ED raids Trinamool MLA’s home | ఎమ్మెల్యే ఇంటిపై ఈడీ రైడ్‌.. గోడ దూకి పారిపోయేందుకు యత్నం

ED raids Trinamool MLA's home | పశ్చిమ బెంగాల్‌లోని అధికార తృణమూల్ కాంగ్రెస్ (టీఎంసీ) ఎమ్మెల్యే జిబన్ కృష్ణ సాహా ఇంటిపై ఎన్‌ఫోర్స్‌మెంట్ డైరెక్టరేట్ (ఈడీ) అధికారులు రైడ్‌ చేశారు. ఈ సందర్భంగా గోడ దూకి పారిపోయేందుకు ఆయన ప్రయత్నించారు. అయితే ఈడీ అధికారులు ఎమ్మెల్యే సాహాను పట్టుకుని అరెస్ట్‌ చేశారు.

కోల్‌కతా: పశ్చిమ బెంగాల్‌లోని అధికార తృణమూల్ కాంగ్రెస్ (టీఎంసీ) ఎమ్మెల్యే జిబన్ కృష్ణ సాహా ఇంటిపై ఎన్‌ఫోర్స్‌మెంట్ డైరెక్టరేట్ (ఈడీ) అధికారులు రైడ్‌ చేశారు. (ED raids Trinamool MLA’s home) ఈ సందర్భంగా గోడ దూకి పారిపోయేందుకు ఆయన ప్రయత్నించారు. అయితే ఈడీ అధికారులు ఎమ్మెల్యే సాహాను పట్టుకుని అరెస్ట్‌ చేశారు. అలాగే సాక్ష్యాలను నాశనం చేసే ప్రయత్నంలో తన మొబైల్ ఫోన్స్‌ను ఇంటి సమీపంలోని చెరువులోకి ఆయన విసిరేశారు. అయితే ఈడీ అధికారులు ఆ రెండు మొబైల్‌ ఫోన్స్‌ను వెతికి తీసి స్వాధీనం చేసుకున్నారు. ఫోరెన్సిక్ విశ్లేషణకు పంపుతామని అధికారులు తెలిపారు.

కాగా, బుర్వాన్‌లోని జిబన్ కృష్ణ సాహా నివాసంతో పాటు రఘునాథ్‌గంజ్‌లోని ఆయన అత్తమామలకు చెందిన ఆస్తులను ఈడీ బృందాలు సోదా చేస్తున్నాయి. బిర్భూమ్ జిల్లాలోని ఎమ్మెల్యే వ్యక్తిగత సహాయకుడి ఇంట్లో కూడా సోదాలు జరిగాయి.

మరోవైపు పాఠశాల నియామక కుంభకోణంలో క్రిమినల్ అంశాలపై సీబీఐ దర్యాప్తు చేస్తున్నది. ఈ కుంభకోణానికి సంబంధించి టీఎంసీ ఎమ్మెల్యే సాహా భార్యను గతంలో సీబీఐ ప్రశ్నించింది. 2023 ఏప్రిల్‌లో సీబీఐ ఆయనను అరెస్టు చేసింది. 2025 మేలో సాహాకు బెయిల్‌ మంజూరైంది.

అయితే స్కూల్‌ రిక్రూట్‌మెంట్‌ స్కామ్‌లోని మనీలాండరింగ్ కోణంపై ఈడీ దర్యాప్తు చేస్తోంది. ఈ నేపథ్యంలో ఎమ్మెల్యే సాహాను ఈడీ అధికారులు సోమవారం అరెస్ట్‌ చేశారు. కోల్‌కతాకు తరలించి ప్రత్యేక ఈడీ కోర్టులో హాజరుపరుస్తారు.

Breaking | TMC MLA Jiban Krishna Saha has been arrested by the Enforcement Directorate (ED) in connection with the SSC scam. When ED officials arrived at his Burwan residence in Murshidabad, Saha attempted to flee by jumping over the boundary wall but was apprehended. He also… pic.twitter.com/6TfMQHfO7C

— Piyali Mitra (@Plchakraborty) August 25, 2025

Also Read:

Fake Disability Certificate | నకిలీ వైకల్య సర్టిఫికెట్‌తో అసిస్టెంట్ ప్రొఫెసర్ ఉద్యోగం.. కంప్యూటర్ లోపం వల్లే ఇలా జరిగిందని ఆ వ్యక్తి ఆరోపణ

Spiderman Goes On Bike Stunt | ‘స్పైడర్ మ్యాన్’ డ్రెస్‌లో బైక్‌పై వ్యక్తి స్టంట్లు.. భారీగా జరిమానా విధింపు

Watch: రైలు ఎక్కబోతూ పట్టాల వద్ద పడిన మహిళ.. తర్వాత ఏం జరిగిందంటే?