పెట్టుబడుల కోసం ఏపీ పెడదారి!
పొరుగు రాష్ర్టాలకు వచ్చే కంపెనీలను దొడ్డిదారిన తమ వైపునకు తిప్పుకోవడానికి ఆంధ్రప్రదేశ్లోని చంద్రబాబు ప్రభుత్వం కుతంత్రాలు పన్నుతున్నదా? ఇందుకోసం ఆయా పొరుగు రాష్ర్టాల్లో తమ మనుషులను నియమించిందా? తమిళనాడులో జరిగిన తాజా ఉదంతం ఈ అనుమానాలకు మరింత బలాన్నిస్తున్నది.
- పొరుగు రాష్ర్టాలకు వస్తున్న కంపెనీలపై నజర్?!
- ఉద్యోగులను నియమించి కీలక డాటా లీక్?
- ‘గైడెన్స్ తమిళనాడు’ ఉదంతంతో సర్వత్రా చర్చ
- బాధ్యులైన 15 మందిపై విజయ్ సర్కార్ వేటు
- కంపెనీలు మన రాష్ట్రం దాటడంపైనా అనుమానం
(స్పెషల్ టాస్క్ బ్యూరో) హైదరాబాద్, నవంబర్ 20 (నమస్తే తెలంగాణ) : పొరుగు రాష్ర్టాలకు వచ్చే కంపెనీలను దొడ్డిదారిన తమ వైపునకు తిప్పుకోవడానికి ఆంధ్రప్రదేశ్లోని చంద్రబాబు ప్రభుత్వం కుతంత్రాలు పన్నుతున్నదా? ఇందుకోసం ఆయా పొరుగు రాష్ర్టాల్లో తమ మనుషులను నియమించిందా? తమిళనాడులో జరిగిన తాజా ఉదంతం ఈ అనుమానాలకు మరింత బలాన్నిస్తున్నది. తమిళనాడుకు రావాల్సిన పారిశ్రామిక పెట్టుబడుల రహస్య సమాచారాన్ని ఆంధ్రప్రదేశ్ ప్రభుత్వానికి చేరవేస్తున్నారన్న ఆరోపణలతో 15 మంది అధికారులను ముఖ్యమంత్రి జోసెఫ్ విజయ్ ప్రభుత్వం తొలగించింది. తొలగించిన ఉద్యోగులు గత కొంతకాలంగా ‘గైడెన్స్ తమిళనాడు’ కంపెనీలో పనిచేస్తున్నారని తెలిసింది. అయితే, ఏ సమాచారం లీక్ అయింది? ఎన్ని పెట్టుబడులు ప్రభావితమయ్యాయి? అనే విషయాలు దర్యాప్తులో తెలియాల్సి ఉన్నది.
పెట్టుబడులను ఆకర్షించే ఉద్దేశంతో 1992లో అప్పటి తమిళనాడు ప్రభుత్వం ‘గైడెన్స్ తమిళనాడు’ పేరిట సంస్థను ఏర్పాటు చేసింది. రాష్ర్టంలో పెట్టుబడులు పెట్టేందుకు ఆసక్తి చూపుతున్న కంపెనీలతో ప్రభుత్వం జరిపిన చర్చలు, పెట్టుబడి ప్రతిపాదనలకు సంబంధించిన వివరాలు ‘గైడెన్స్ తమిళనాడు’ డాటా బేస్లో ఉంటాయి. ఈ కీలక వివరాలు ఆంధ్రప్రదేశ్ అధికారులకు చేరాయన్న విషయం రాజకీయంగా సంచలనంగా మారింది. ‘గైడెన్స్ తమిళనాడు’ సంస్థ నుంచి ఉద్యోగాలు కోల్పోయిన వెంటనే క్రిస్టో లారెల్, ప్రభాకరన్ అండి, ప్రీజాప్రసాద్ అనే ముగ్గురు వ్యక్తులకు ఆంధ్రప్రదేశ్ ఆర్థిక అభివృద్ధి మండలిలో ఉద్యోగాలు దొరికినట్టు వార్తలు రావడం ఇప్పుడు మరింత దుమారాన్ని రేపుతున్నది. తమిళనాడులో పనిచేస్తున్నప్పుడే ఏపీ అధికారులతో ముందస్తుగా సంబంధాలు పెట్టుకొని, పెట్టుబడుల వివరాలు చేరవేయడం వల్లనే వారికి ఇంత త్వరగా ఏపీలో ఉద్యోగాలు లభించాయని పలువురు అనుమానిస్తున్నారు.
మరి, మన సంగతేందో?!
‘గైడెన్స్ తమిళనాడు లీక్స్’ దుమారం నేపథ్యంలో తెలంగాణ పెట్టుబడులపై కూడా ఇప్పుడు తీవ్రస్థాయిలో చర్చ జరుగుతున్నది. రేవంత్ ప్రభుత్వంలోని పరిశ్రమలు, నీటిపారుదల, విద్య, వైద్యం తదితర కీలక శాఖల్లో ఆంధ్రప్రదేశ్కు చెందిన పలువురు అధికారులు ఉన్నత స్థానాల్లో పనిచేస్తున్నారు. దీంతో పెట్టుబడులకు సంబంధించి తమిళనాడు తరహా ఘటనలు జరిగితే, పరిస్థితేమిటన్న ఆందోళన వ్యక్తమవుతున్నది. ఈ విషయంలో రేవంత్ ప్రభుత్వం తగిన జాగ్రత్తలు తీసుకున్నదా? లేదా? అని తెలంగాణవాదులు ప్రశ్నిస్తున్నారు. కాగా, రూ.1,700 కోట్ల పెట్టుబడితో రంగారెడ్డి జిల్లాలో కంపెనీ ఏర్పాటుకు ముందుకొచ్చిన ప్రీమియర్ ఎనర్జీస్.. ఆ తర్వాత అక్కడినుంచి ఆంధ్రప్రదేశ్లోని నెల్లూరుకు తరలివెళ్లడం, తెలంగాణలో తమ కంపెనీని విస్తరిస్తామన్న సిగాచీ ఇండస్ట్రీస్, విరూపాక్ష ఆర్గానిక్స్ తదితర సంస్థలు.. ఆ తర్వాత ఏపీలోని కర్నూలుకు తరలిపోవడం తెలిసిందే. దీంతో ‘గైడెన్స్ తమిళనాడు’ తరహా లీకులు తెలంగాణలోనూ జరుగుతున్నాయా? అని పలువురు అనుమానం వ్యక్తం చేస్తున్నారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

