Lok Sabha | ఆ ఎంపీ లోక్‌స‌భ‌లో లేకున్నా.. సస్పెండ్ ఎంపీల జాబితాలో పేరు

Lok Sabha | లోక్‌సభలో భద్రతా ఉల్లంఘన ఘటనపై విపక్షాల ఆందోళనతో గురువారం పార్లమెంట్‌ ఉభయసభలు దద్దరిల్లిన సంగ‌తి తెలిసిందే. లోక్‌సభలో నిన్న జరిగిన స్మోక్‌ అటాక్‌ ఘటనపై ప్ర‌ధాని మోదీ, హోంమంత్రి అమిత్ షా వివ‌ర‌ణ ఇవ్వాలంటూ విప‌క్షాల‌కు చెందిన ఎంపీలు ప‌ట్టుబ‌ట్టారు.

Lok Sabha | న్యూఢిల్లీ : లోక్‌సభలో భద్రతా ఉల్లంఘన ఘటనపై విపక్షాల ఆందోళనతో గురువారం పార్లమెంట్‌ ఉభయసభలు దద్దరిల్లిన సంగ‌తి తెలిసిందే. లోక్‌సభలో నిన్న జరిగిన స్మోక్‌ అటాక్‌ ఘటనపై ప్ర‌ధాని మోదీ, హోంమంత్రి అమిత్ షా వివ‌ర‌ణ ఇవ్వాలంటూ విప‌క్షాల‌కు చెందిన ఎంపీలు ప‌ట్టుబ‌ట్టారు.

ఈ క్రమంలో సభా కార్యకలాపాలను అడ్డుకుంటున్నారన్న కారణంతో 14 మంది విపక్ష ఎంపీలను లోక్‌సభ నుంచి సస్పెండ్‌ చేశారు. అయితే డీఎంకే ఎంపీ ఎస్ఆర్ పార్థిబ‌న్ స‌భ‌కు హాజ‌రు కాన‌ప్ప‌టికీ అత‌ని పేరును స‌స్పెండ్ ఎంపీల జాబితాలో చేర్చారు. ఈ విష‌యాన్ని డీఎంకే పార్టీ నాయ‌కులు ప్ర‌భుత్వ దృష్టికి తీసుకెళ్లారు. ఎంపీ పార్థిబ‌న్ ప్ర‌స్తుతం చెన్నైలో ఉన్నార‌ని, స‌భ‌కు హాజ‌రు కాలేద‌ని చెప్పారు. దీంతో ప్ర‌భుత్వం వివ‌ర‌ణ ఇచ్చింది.

పొర‌పాటున డీఎంకే ఎంపీ పార్థిబ‌న్ పేరు ఆ జాబితాలో చేర్చామ‌ని తెలిపింది. లోక్‌స‌భ నుంచి 13 మందిని మాత్ర‌మే స‌స్పెండ్ చేసిన‌ట్లు పార్ల‌మెంట్ వ్య‌వ‌హారాల మంత్రి ప్ర‌హ్లాద్ జోషి స్ప‌ష్టం చేశారు. ఈ విష‌యాన్ని స్పీక‌ర్ దృష్టికి తీసుకెళ్లి పార్థిబ‌న్ పేరును ఆ జాబితా నుంచి తొల‌గించిన‌ట్లు పేర్కొన్నారు. 13 మంది ఎంపీల్లో కాంగ్రెస్ నుంచి 9 మంది, సీపీఎం నుంచి ఇద్ద‌రు, డీఎంకే, సీపీఐ నుంచి ఒక‌రి చొప్పున ఉన్నారు.