Delhi Police: చెకింగ్‌ స‌మ‌యంలో ఢీకొన్న మ‌రో వాహ‌నం.. దూరంగా ఎగిరిప‌డ్డ పోలీసు.. వీడియో

Delhi Police : అర్థ‌రాత్రి ఒంటి గంట స‌మ‌యంలో కారును చెకింగ్ చేస్తున్న పోలీసుపై మ‌రో వాహ‌నం దూసుకెళ్లింది. వేగంగా వ‌చ్చిన ఆ కారును పోలీసును ఢీకొట్టింది. దీంతో ఆ పోలీసు గాలిలో ఎగిరి దూరంగా ప‌డిపోయాడు. ఢిల్లీలోని క‌న్నాట్ ప్లేస్‌లో ఈ ఘ‌ట‌న జ‌రిగింది. దానికి చెందిన సీసీటీవీ ఫూటేజ్ వైర‌ల్ అవుతోంది.

న్యూఢిల్లీ: దేశ రాజ‌ధాని ఢిల్లీలోని క‌న్నాట్ ప్లేస్ ప్రాంతంలో జ‌రిగిన ప్ర‌మాదంలో ఓ పోలీసు(Delhi Police) ప్రాణాల‌తో బ‌య‌ట‌ప‌డ్డారు. విధుల్లో భాగంగా వాహ‌నాల‌ను త‌నిఖీ చేస్తున్న స‌మ‌యంలో.. మ‌రో వాహ‌నం వ‌చ్చి ఆ పోలీసును ఢీకొట్టింది. దాంతో ఆ పోలీసులు అమాంతంగా గాలిలో ఎగిరి దూరంగా ప‌డ్డాడు. ఈ ఘ‌ట‌న‌కు చెందిన వీడియో ఒక‌టి వైర‌ల్ అవుతోంది. అక్టోబ‌ర్ 24వ తేదీన ఈ ప్ర‌మాదం జ‌రిగింది. అర్థరాత్రి ఒంటిగంట స‌మ‌యంలో ప్ర‌మాదం జ‌రిగిన‌ట్లు సీసీటీవీ ఫూటేజ్ ఆధారంగా తెలుస్తోంది.

#WATCH | CCTV footage shows a Delhi Police personnel hit by an SUV and thrown into the air in the Connaught Place area

The incident happened on the intervening night of 24th-25th October. Police detained the car driver and action was taken against him.

(Video source: Delhi… pic.twitter.com/5lMAD0It7g

— ANI (@ANI) October 27, 2023

రోడ్డుకు ఒక‌వైపు కారును చెక్ చేస్తున్న స‌మ‌యంలో.. ఆ రూట్లోనే వ‌స్తున్న మ‌రో ఎస్‌యూవీ ఆ పోలీసును ఢీకొట్టింది. వేగంగా ఆ కారు ఢీకొట్ట‌డంతో .. విధుల్లో ఉన్న ఆ పోలీసు దూరంగా ఎగిరిప‌డ్డాడు. అత‌న్ని వెంట‌నే ఆస్ప‌త్రిలో చేర్పించారు. గాయ‌ప‌డ్డ అత‌నికి చికిత్స అందించారు. ప్ర‌స్తుతం ఆ పోలీసు డిశ్చార్జ్ అయిన‌ట్లు తెలుస్తోంది.

పోలీసును ఢీకొట్టి పారిపోతున్న ఆ కారు డ్రైవ‌ర్‌ను మ‌రో పోలీసు ఛేజ్ చేసి ప‌ట్టుకున్నాడు. డ్రైవ‌ర్‌పై క‌ఠిన చ‌ర్య‌లు తీసుకున్నారు.