19న సీయూఈటీ-యూజీ రీటెస్ట్‌

దాదాపు వెయ్యి మందికిపైగా అభ్యర్థులకు సీయూఈటీ-యూజీ రీటెస్ట్‌ను ఈ నెల 19న నిర్వహిస్తున్నట్టు ఎన్‌టీఏ (నేషనల్‌ టెస్టింగ్‌ ఏజెన్సీ) ఆదివారం ప్రకటించింది.

• ఫలితాలు ఎప్పుడన్నది తెలుపని ఎన్‌టీఏ

న్యూఢిల్లీ, జూలై 14: దాదాపు వెయ్యి మందికిపైగా అభ్యర్థులకు సీయూఈటీ-యూజీ రీటెస్ట్‌ను ఈ నెల 19న నిర్వహిస్తున్నట్టు ఎన్‌టీఏ (నేషనల్‌ టెస్టింగ్‌ ఏజెన్సీ) ఆదివారం ప్రకటించింది. పరీక్షకు సంబంధించి జూలై 7న ప్రొవిజినల్‌ ఆన్సర్‌ కీ విడుదల చేసిన ఎన్టీఏ.. పరీక్షపై అభ్యర్థుల నుంచి ఏవైనా అభ్యంతరాలు వస్తే, వాటిని పరిశీలించి జూలై 15-19 మధ్య రీటెస్ట్‌ నిర్వహిస్తామని ప్రకటించిన విషయం తెలిసిందే.

తాజాగా రీటెస్ట్‌ పరీక్ష తేదీని ఖరారు చేసింది. అయితే ప్రవేశ పరీక్ష ఫలితాల కోసం దేశవ్యాప్తంగా విద్యార్థులు ఎదురుచూస్తున్నారు. ఫలితాల విడుదలపై ఎన్టీఏ ఎలాంటి స్పష్టత ఇవ్వలేదు.