మహిళా ఉద్యోగులపై కరోనా కాటు

కరోనా మహమ్మారి దేశంలోని మహిళా ఉద్యోగులపై పెను ప్రభావం చూపిందని బ్లూమ్‌బర్గ్‌ ఎకనమిక్స్‌ నివేదిక తెలిపింది. కరోనా కారణంగా ఉద్యోగం కోల్పోయిన మహిళలను అనేక కంపెనీలు మళ్లీ ఉద్యోగంలో చేర్చుకోవడం లేదని పేర్కొన్నది. దీంతో పనిచేస్తున్న మహిళల సంఖ్య 26% నుంచి 19%కి పడిపోయినట్టు వెల్లడించింది

మళ్లీ విధుల్లోకి తీసుకోని కంపెనీలు
పడిపోతున్న మహిళా భాగస్వామ్యం
దేశ ఆర్థిక వ్యవస్థకు తీవ్ర నష్టం

న్యూఢిల్లీ, జూన్‌ 2: కరోనా మహమ్మారి దేశంలోని మహిళా ఉద్యోగులపై పెను ప్రభావం చూపిందని బ్లూమ్‌బర్గ్‌ ఎకనమిక్స్‌ నివేదిక తెలిపింది. కరోనా కారణంగా ఉద్యోగం కోల్పోయిన మహిళలను అనేక కంపెనీలు మళ్లీ ఉద్యోగంలో చేర్చుకోవడం లేదని పేర్కొన్నది. దీంతో పనిచేస్తున్న మహిళల సంఖ్య 26% నుంచి 19%కి పడిపోయినట్టు వెల్లడించింది. ఉద్యోగాల పరంగా స్రీ, పురుషుల మధ్య అంతరం పెరుగుతున్నదని హెచ్చరించింది. ఈ అంతరం 2050 నాటికి 58 బేసిస్‌ పాయింట్లు ఉండొచ్చని తెలిపింది. దీని కారణంగా దేశ ఆర్థిక వ్యవస్థకు 480 లక్షల కోట్ల రూపాయల నష్టం కలుగవచ్చని అంచనా వేసింది.

కరోనాకు ముందు పనిచేసే మహిళల శాతం- 26
ప్రస్తుతం దేశంలో పనిచేసే మహిళల శాతం- 19
2050నాటికి స్త్రీ, పురుషుల మధ్య అంతరం- 58 బేసిస్‌ పాయింట్లు.

మహిళలు ఉద్యోగాలు కోల్పోవడం వల్ల
2050 నాటికి దేశ ఆర్థిక వ్యవస్థకు నష్టం-రూ.480 లక్షల కోట్లు.
దేశ జనాభాల్లో స్త్రీలు 48%.. జీడీపీలో స్త్రీల వాటా-17%
చైనా జీడీపీలో స్త్రీల వాటా-40%