సిద్దూకు ఏడాది పాటు జైలు శిక్ష‌.. సుప్రీం తీర్పు

కాంగ్రెస్ నేత‌, పంజాబ్ పీసీసీ మాజీ అధ్య‌క్షుడు న‌వ‌జ్యోత్ సింగ్ సిద్దూకు ఏడాది పాటు జైలు శిక్ష విధిస్తూ సుప్రీం కోర్టు తీర్పు ఇచ్చింది. 1988 లో జ‌రిగిన రోడ్ రేజ్ కేసులో ఈ శిక్ష ప‌డింది.గుర్నామ్ సింగ్ అనే వ్య‌క్తికి, సిద్దూకి మ‌ధ్య గొడ‌వ జ‌రిగింది.

మొద‌ట్లో ఈ గొడ‌వ చిన్న‌దే అయినా… తర్వాత పెద్ద‌దిగా మారిపోయింది. సిద్దూ గుర్నామ్ సింగ్ అనే వ్య‌క్తిని లాగి కొట్టారు. దీంతో గుర్నామ్ సింగ్ అక్క‌డిక‌క్క‌డే ప్రాణాలు కోల్పోయారు. అయితే ఈ కేసులో సిద్దూకు కింది కోర్టులు బెయిల్ మంజూరు చేశాయి. బాధిత కుటుంబం పై కోర్టుల్లో అప్పీల్ చేసుకుంది. చివ‌ర‌కు 30 ఏళ్ల క్రితం నాటి కేసులో సుప్రీం కోర్టు నేడు సిద్దూకు యేడాది పాటు జైలు శిక్ష విధిస్తూ తీర్పిచ్చింది.