డీఎంకే చీఫ్‌ స్టాలిన్‌కు రాహుల్‌ గాంధీ అభినందనలు

న్యూఢిల్లీ: తమిళనాడు అసెంబ్లీ ఎన్నికల కౌంటింగ్‌లో డీఎంకే కూటమి ఘన విజయం వైపు దూసుకెళ్తున్నది. ఈ నేపథ్యంలో డీఎంకే చీఫ్‌ స్టాలిన్‌కు కాంగ్రెస్‌ నాయకుడు రాహుల్‌ గాంధీ అభినందనలు తెలిపారు. తమిళనాడు ప్రజలు మార్పు కోసం ఓటు వేశారని అన్నారు. మీ నాయకత్వంలో మనం ఆ దిశగా అడుగు వేసి ప్రజల నమ్మకాన్ని నిరూపించగలం, శుభాకాంక్షలు అని ట్వీట్‌ చేశారు.

Congratulations to Shri MK Stalin for the victory.

People of Tamil Nadu have voted for change and we will, under your leadership, prove to be a confident step in that direction.

Best wishes.

— Rahul Gandhi (@RahulGandhi) May 2, 2021

తమిళనాడులో మొత్తం 234 స్థానాల్లో డీఎంకే 156, అన్నాడీఎంకే 78 స్థానాల్లో లీడ్‌లో ఉన్నాయి. ఈ ఎన్నికల్లో డీఎంకేతో కలిసి కాంగ్రెస్‌ పోటీ చేసింది. ఈ నేపథ్యంలో రాహుల్‌ గాంధీ ఆ రాష్ట్రంలో ముమ్మరంగా ఎన్నికల ప్రచారం నిర్వహించారు. స్టాలిన్‌తో కలిసి వేదిక కూడా పంచుకున్నారు. దీంతో డీఎంకే ఏర్పాటు చేయబోయే ప్రభుత్వంలో కాంగ్రెస్‌ పార్టీ కూడా భాగస్వామ్యం కానున్నది.