Shoe Hurling Incident: సీఎం ప్ర‌యాణిస్తున్న బ‌స్సుపై షూ దాడి.. మ‌హిళా జ‌ర్న‌లిస్టుపై కేసు న‌మోదు

Shoe Hurling Incident: క్యాబినెట్ మంత్రుల‌తో సీఎం వెళ్తున్న కాన్వాయ్‌పై షూ అటాక్ జ‌రిగింది. ఆ ఘ‌ట‌న‌కు సంబంధించి ఇప్ప‌టికే న‌లుగుర్ని అరెస్టు చేశారు. ఆ కేసులో ఓ మ‌హిళా జ‌ర్న‌లిస్టును కూడా బుక్ చేశారు. ఆమెను అరెస్టు చేసి విచారిస్తున్నారు. ఆ జ‌ర్న‌లిస్టు అరెస్టును సీఎం విజ‌య‌న్ స‌మ‌ర్థించారు.

తిరువ‌నంత‌పురం: కేర‌ళ సీఎం విజ‌య‌న్ త‌న క్యాబినెట్ స‌భ్యుల‌తో క‌లిసి ప్ర‌యాణిస్తున్న బ‌స్సుపై ఇటీవ‌ల షూ దాడి(Shoe Hurling Incident) జ‌రిగింది. న‌వ కేర‌ళ స‌ద‌స్సులో పాల్గొనేందుకు వెళ్తున్న సీఎం విజ‌య‌న్ బ‌స్సుపై కేఎస్‌యూ కార్య‌క‌ర్త‌లు షూ విసిరారు. ఆ కేసులో ఇప్ప‌టికే న‌లుగురు కార్య‌క‌ర్త‌ల్ని అరెస్టు చేశారు. తాజాగా ఈ కేసులో మ‌ల‌యాళం ఛాన‌ల్ 24కు చెందిన మ‌హిళ జ‌ర్న‌లిస్టును కూడా అదుపులోకి తీసుకున్నారు. రిపోర్ట‌ర్ వినీత‌పై కూడా కురుపంపాడి పోలీసులు కేసు బుక్ చేశారు. ఈ నేప‌థ్యంలో సీఎం విజ‌య‌న్‌ను జ‌ర్న‌లిస్టులు ప్ర‌శ్నించారు. రిపోర్ట‌ర్ వినీత‌ను ఎందుకు అరెస్టు చేశార‌ని అడ‌గ్గా.. పోలీసులు చేప‌ట్టిన చ‌ర్య‌ను స‌మ‌ర్థిస్తున్న‌ట్లు సీఎం విజ‌య‌న్ తెలిపారు. సాక్ష్యాలు ఉన్నాయి కాబ‌ట్టే ఆ జ‌ర్న‌లిస్టును అదుపులోకి తీసుకున్న‌ట్లు సీఎం వెల్ల‌డించారు. స్వ‌రం ఉంది కాబ‌ట్టి ఎదుటివారిని భ‌య‌పెట్టాల‌న్న ఆలోచ‌న స‌రికాదు అని సీఎం తెలిపారు. షూ విసిరిన కేసులో మ‌హిళ జ‌ర్న‌లిస్టును పోలీసులు విచారిస్తార‌ని సీఎం చెప్పారు.