CJP Protest | కోర్టు ఆదేశించినా కొనసాగుతున్న అరెస్టుల పర్వం.. ఢిల్లీలో పలువురు నేతల నిర్బంధం
CJP Protest : అనవసరంగా ఎవరినీ నిర్బంధించకూడదని ఏకంగా సుప్రీంకోర్టే ఆదేశించినా ఢిల్లీలో అమలు కావడం లేదు. వరుసగా రెండో రోజు ఆదివారం కూడా ఢిల్లీ పోలీసులు పలువురు ఆందోళనకారుల్ని అదుపులోకి తీసుకుంటున్నారు.
CJP Protest : అనవసరంగా ఎవరినీ నిర్బంధించకూడదని ఏకంగా సుప్రీంకోర్టే ఆదేశించినా ఢిల్లీలో అమలు కావడం లేదు. వరుసగా రెండో రోజు ఆదివారం కూడా ఢిల్లీ పోలీసులు పలువురు ఆందోళనకారుల్ని అదుపులోకి తీసుకుంటున్నారు. సీఈసీ జ్ఞానేష్ కుమార్ రాజీనామా కోరుతూ సీజేపీ సహా పలు పక్షాలు ఢిల్లీలో ఆందోళన చేస్తున్న సంగతి తెలిసిందే. ఈ నిరసనల్ని అణచివేసేందుకు ఢిల్లీ పోలీసులు వేలాది మందిని అదుపులోకి తీసుకున్నారు. కొంతమందిని గృహ నిర్బంధం చేశారు.
రోడ్లపైకి ఎవరూ రాకుండా బారికెడ్లు ఏర్పాటు చేశారు. ఈ అంశంపై ఆదివారం సుప్రీంకోర్టు స్పందించింది. ఆందోళనకారుల్ని విడుదల చేయాలని ఆదేశించింది. వారివల్ల నిజంగా శాంతి భద్రతలకు విఘాతం కలుగుతుందని భావిస్తేనే అరెస్టు చేయాలని సూచించింది. శాంతియుతంగా నిరసన చేపట్టేవారిని ఇబ్బంది పెట్టకూడదని సుప్రీంకోర్టు సూచించింది. ఈ మేరకు ఢిల్లీ పోలీసులకు, కేంద్ర ప్రభుత్వానికి ఆదేశాలు జారీ చేసింది. ఈ ఆదేశాలు వెలువడి గంటలు కూడా గడవకముందే ఢిల్లీ పోలీసులు ఈ ఆర్డర్స్ను ధిక్కరించారు.
అనేక చోట్ల ఆందోళనకారుల్ని అదుపులోకి తీసుకుంటున్నారు. కన్నాట్ ప్లేస్, రాజీవ్ చౌక్ నుంచి జంతర్ మంతర్ వద్దకు ర్యాలీ నిర్వహిస్తున్న సీపీఐ (ఎం) ఎంపీ జాన్ బ్రిట్టాస్ను ఢిల్లీ పోలీసులు అదుపులోకి తీసుకున్నారు. రోడ్లపై ఆందోళన చేస్తున్న అనేక మందిని పోలీసులు బలవంతంగా బస్సుల్లోకి ఎక్కిస్తున్నారు. రాజీవ్ చౌక్ నుంచి ర్యాలీగా బయల్దేరిన ఎస్ఎఫ్ఐ నేతల్ని కూడా పోలీసులు అడ్డుకుని, అదుపులోకి తీసుకున్నారు. తమ జాతీయ అధ్యక్షుడు ఆదర్ష్ ఎం సాజి, ఇతర నేతలు సూరజ్ ఎలామోన్, అభిజీత్ మనిలాల్ వంటి వారిని పోలీసులు అరెస్టు చేసినట్లు ఎస్ఎఫ్ఐ ప్రకటించింది.
ఈ సందర్భంగా ఆదర్స్ ఎం సాజికి గాయాలైన వీడియోను కూడా ఎస్ఎఫ్ఐ సోషల్ మీడియ వేదికగా పంచుకుంది. అయితే, కోర్టు ఆదేశాలున్నప్పటికీ.. ఆదివారం కూడా పలువురు నేతల్ని ఇలా అరెస్టు చేస్తుండటంపై ప్రతిపక్షాలు విమర్శలు చేస్తున్నాయి.
Read Today's Latest National News in Telugu and Telugu News
RELATED ARTICLES
తాజా వార్తలు
Car Stolen With Sleeping Girl | బాలిక నిద్రిస్తున్న కారును చోరీ చేసిన వ్యక్తి.. తర్వాత ఏం జరిగిందంటే?
ప్రాణాలు పోతున్నా సహారా బాధితులను పట్టించుకోని కేంద్ర ప్రభుత్వం
Reading Vs Listening | వినడం లేదా చదవడం.. రెండింటిలో ఏది ఎక్కువ ప్రయోజనం ఇస్తుంది..?
Library | గ్రంథాలయంలో నూతన ఆడిటోరియం, రీడింగ్ హాల్ ప్రారంభం
Komatireddy Rajagopal Reddy | పండబెట్టి తొక్కుతవా.. రేవంత్ రెడ్డి ? రాజగోపాల్ రెడ్డి ఏమైనా అంత ఈజీగా కనిపిస్తున్నడా..?
ట్రెండింగ్ వార్తలు
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి

