ప్రతీ సూచనను స్వీకరించేందుకు సిద్ధంగా ఉన్నాం : సీజేఐ జస్టిస్‌ యూయూ లలిత్‌

CJI UU Lalit | సుప్రీంకోర్టు ప్రధాన న్యాయమూర్తి జస్టిస్‌ యూయూ లలిత్‌ ఆదివారం పశ్చిమ బెంగాల్‌ నేషనల్‌ యూనివర్సిటీ ఆఫ్‌ జ్యూరిడికల్‌ సైన్సెస్‌ (WBNUJS) 14వ స్నాతకోత్సవానికి హాజరయ్యారు. ఈ సందర్భంగా లా గ్రాడ్యుయేట్లనుద్దేశించి మాట్లాడారు. ప్రతి సూచనను

కోల్‌కతా : సుప్రీంకోర్టు ప్రధాన న్యాయమూర్తి జస్టిస్‌ యూయూ లలిత్‌ ఆదివారం పశ్చిమ బెంగాల్‌ నేషనల్‌ యూనివర్సిటీ ఆఫ్‌ జ్యూరిడికల్‌ సైన్సెస్‌ (WBNUJS) 14వ స్నాతకోత్సవానికి హాజరయ్యారు. ఈ సందర్భంగా లా గ్రాడ్యుయేట్లనుద్దేశించి మాట్లాడారు. ప్రతి సూచనను స్వీకరించేందుకు సిద్ధంగా ఉన్నామని, మానవజాతి, సమాజ సంక్షేమం కోసం కరుణతో పనిచేయాలన్నారు. వ్యక్తి సామర్థ్యం పెంపొందించుకోవడం ఎప్పటికీ ఆగదని, చనిపోయే వరకు నేర్చుకుంటూనే ఉంటారన్నారు. విద్యార్థులు ఎక్కడి నుంచైనా సూచనలు, సలహాల కోసం తమ మనస్సును తెరిచి ఉంచుకోవాలని సూచించారు. పనిలో మరింత మెరుగ్గా ఉండేందుకు ఇక్కడి నుంచి స్ఫూర్తి పొందుతారని అన్నారు.

లాయర్‌గా, లా స్టూడెంట్‌గా మారడాన్ని ఎప్పుడూ వదులుకోనని ఆయన అన్నారు. గడిచిన ప్రతి రోజు మీకు ప్రొఫెషనల్‌గా, విద్యావేత్తగా, న్యాయనిర్ణేతగా ఏదో ఒకదాన్ని బోధిస్తుందని, అయితే లా స్కూల్ పునాది అన్నారు. బంగ్లాదేశ్ ప్రధాన న్యాయమూర్తి జస్టిస్ హసన్ ఫోయెజ్ సిద్ధిఖీ సైతం ఈ స్నాతకోత్సవానికి హాజరయ్యారు. న్యాయవాదుల నుంచి సివిల్‌ సర్వీస్‌ వరకు వివిధ వృత్తులను ఎంచుకునే గ్రాడ్యుయేట్లు ఆ పనిని అభిరుచి, గౌరవం, గౌరవ భావంతో చేయాలని సూచించారు. పశ్చిమ బెంగాల్ ముఖ్యమంత్రి మమతా బెనర్జీ పాసౌట్‌లకు అభినందనలు తెలిపారు. భావ ప్రకటనా స్వేచ్ఛ, స్వేచ్ఛ కోసం న్యాయవాదులు ముందుకు రావాలన్నారు. కాన్వొకేషన్ సందర్భంగా 400 మంది విద్యార్థులు పట్టాలు అందుకున్నారు.