Visit:
శ్రీహ‌రికోట: చంద్రయాన్-3కి చెందిన కౌంట్‌డౌన్(Chandrayaan-3 Countdown) ప్రారంభ‌మైంది. ఈ విష‌యాన్ని భార‌తీయ అంతరిక్ష ప‌రిశోధ‌నా సంస్థ వెల్ల‌డించింది. శుక్ర‌వారం మ‌ధ్యాహ్నం 2.35 నిమిషాల‌కు జీఎస్ఎల్వీ మార్క్ 3 రాకెట్ ద్వారా చంద్రయాన్ స్పేస్‌క్రాఫ్ట్‌ను నింగిలోకి పంనున్నారు. ఆగ‌స్టు 23 లేదా 24వ తేదీన .. చంద్రుడిపై ఆ స్పేస్‌క్రాఫ్ట్ దిగుతుంది. చంద్రయాన్ క్యాప్సూల్‌లో ల్యాండర్, రోవర్ ఉన్నాయి.
LVM3 M4/Chandrayaan-3 Mission:
The countdown leading to the launch tomorrow at 14:35:17 Hrs. IST has commenced.Curtain raiser: https://t.co/xn4nRucAMn
— ISRO (@isro) July 13, 2023
2019లో చెదిరిన కలను ఈసారి నిజం చేసి చూపాలన్న పట్టుదలతో ఇస్రో శాస్త్రవేత్తలు శ్రమిస్తున్నారు. ఈ ప్రతిష్ఠాత్మక ప్రయోగానికి శ్రీహరికోటలోని సతీశ్‌ధావన్‌ అంతరిక్ష ప్రయోగ కేంద్రంలో సర్వం సిద్ధమైంది. ప్రయోగంలో మూడు మాడ్యూల్స్ ఉన్నాయి.
ప్రొపల్షన్‌ మాడ్యూల్‌: రాకెట్‌ను నింగిలోకి తీసుకుపోయే మాడ్యూల్‌ ఇది. ఈ మాడ్యూల్‌.. రాకెట్‌ను భూ కక్ష్యలోకి ప్రవేశపెట్టి వేరుపడిపోతుంది.
ల్యాండర్ మాడ్యూల్‌: చంద్రుడిపైకి రోవర్‌ను మోసుకెళ్లి దించేది ఇదే. రాకెట్ నుంచి విడిపోయిన తర్వాత నిర్ణీత సుదూర కక్ష్యకు చేరుకొని చంద్రుడివైపు ప్రయాణిస్తుంది. చంద్రుడి ఉపరితలం నుంచి 100 కి.మీ ఎత్తులోని కక్ష్యలోకి చేరుకొంటుంది. దక్షిణ ధ్రువం వద్ద ఉపరితలంపై ల్యాండర్ దిగగానే రోవర్ బయటకు వస్తుంది.
రోవర్: చంద్రుడి ఉపరితలాన్ని అధ్యయనం చేసేందుకు రూపొందించిన పరికరమే రోవర్. ఇది చందమామపై ఉన్న మట్టి, మంచును పరిశీలించి సమాచారాన్ని భూమికి చేరవేస్తుంది. ఈ రోవర్ జీవితకాలం 14 రోజులు. రంభ-ఎల్పీ, సీహెచ్‌ఏఎస్టీఈ పరికరాలు వాతావరణంలో ప్లాస్మా ఆయాన్లు, ఎలక్ట్రాన్ల సాంద్రతను, నీటి జాడలను సీహెచ్‌ఏఎస్టీఈ గుర్తిస్తుంది.
40 రోజుల ప్రయాణం
40 రోజుల తర్వాత చంద్రయాన్-3 చంద్రుడిని చేరుకొంటుంది. రాకెట్ నింగిలోకి దూసుకెళ్లిన 16 నిమిషాల తర్వాత ప్రొపల్షన్‌ మాడ్యూల్‌ విడిపోతుంది. ఆ తర్వాత ల్యాండర్ భూమి చూట్టూ దీర్ఘ వృత్తాకార కక్ష్యలో తిరుగుతుంది. అత్యంత సమీపంగా 170 కిలోమీటర్లు, అత్యంత దూరంగా 36,500 కిలోమీటర్ల కక్ష్యలో పరిభ్రమిస్తుంది. అప్పుడు భూ కక్ష్యను వదిలి చంద్రుడివైపు ప్రయాణం మొదలుపెడుతుంది. చంద్రుడిని చేరుకొనేందుకు 40 రోజులు పడుతుంది. దీనికి అతి తక్కువ ఇంధనమే అవసరం పడుతుంది. దీంతో ప్రయోగం ఖర్చు కూడా చాలా తగ్గుతుంది.
