బాస్మతి బియ్యం ఎగుమతులపై కేంద్రం ఆంక్షలు

నెల క్రితమే సాధారణ బియ్యం ఎగుమతులను నిషేధించిన కేంద్ర ప్రభుత్వం.. తాజాగా బాస్మతి బియ్యం ఎగుమతులపైనా ఆంక్షలు విధించింది. టన్నుకు 1200 డాలర్ల(సుమారు రూ.99,0 60) లోపు ధర పలికే బాస్మతి బియ్యం ఎగుమతులను అనుమతించకూడదని నిర్ణయించింది.

న్యూఢిల్లీ : నెల క్రితమే సాధారణ బియ్యం ఎగుమతులను నిషేధించిన కేంద్ర ప్రభుత్వం.. తాజాగా బాస్మతి బియ్యం ఎగుమతులపైనా ఆంక్షలు విధించింది. టన్నుకు 1200 డాలర్ల(సుమారు రూ.99,0 60) లోపు ధర పలికే బాస్మతి బియ్యం ఎగుమతులను అనుమతించకూడదని నిర్ణయించింది. ఈ మేరకు ఎగుమతులకు సంబంధించి కాంట్రాక్టులను రిజిస్టర్‌ చేయవద్దని వాణిజ్య ప్రోత్సాహక మండలి ఏపీఈడీఏను ఆదేశించించినట్టు కేంద్ర వాణిజ్య మంత్రిత్వ శాఖ ఆదివారం ఓ ప్రకటనలో వెల్లడించింది. తాజా ఆదేశాల నేపథ్యంలో టన్నుకు 1200 డాలర్ల కంటే తక్కువ ఉన్న ఒప్పందాలు నిలిచిపోతాయి. తాజాగా ఉప్పుడు బియ్యం (పారాబాయిల్డ్‌) ఎగుమతులపై 20 శాతం పన్ను విధిస్తూ కేంద్రం శుక్రవారం ఆదేశాలు జారీచేసింది.