అనసూయ.. ఇకపై అనుకతిర్‌ సూర్య
తన పేరు, జెండర్‌ మార్చాలంటూ ఓ ఐఆర్‌ఎస్‌ ఆఫీసర్‌ చేసుకున్న అప్పీల్‌పై కేంద్రం చరిత్రాత్మక నిర్ణయం తీసుకుంది.
- ఐఆర్‌ఎస్‌ అధికారిణి పేరు, జెండర్‌ మార్పునకు కేంద్రం ఓకే
- సివిల్‌ సర్వీసెస్‌ చరిత్రలో మొదటిసారి
న్యూఢిల్లీ, జూలై 9: తన పేరు, జెండర్‌ మార్చాలంటూ ఓ ఐఆర్‌ఎస్‌ ఆఫీసర్‌ చేసుకున్న అప్పీల్‌పై కేంద్రం చరిత్రాత్మక నిర్ణయం తీసుకుంది. ఇండియన్‌ సివిల్‌ సర్వీసెస్‌ చరిత్రలో మొట్టమొదటిసారి.. ఓ ఐఆర్‌ఎస్‌ అధికారిణి పేరు, జెండర్‌ను అధికారికంగా మార్చటానికి ఆమోదం తెలిపింది. తన పేరును ఎం అనుకతిర్‌ సూర్యగా, తనను పురుషుడిగా గుర్తించాలని ఐఆర్‌ఎస్‌ అఫీసర్‌ ఎం అనుసూయ చేసుకున్న అభ్యర్థనను కేంద్ర ఆర్థిక శాఖ ఆమోదించింది.
ఈ మేరకు కేంద్రం నుంచి మంగళవారం ఉత్తర్వులు వెలువడ్డాయి. సదరు ఐఆర్‌ఎస్‌ ఆఫీసర్‌ హైదరాబాద్‌ సీఈఎస్‌టీఏటీ జాయింట్‌ కమిషనర్‌గా ఉన్నారు. కేంద్రం నిర్ణయం ‘ప్రగతి శీలమైంది’గా ఐఆర్‌ఎస్‌ ఆఫీసర్‌ పేర్కొన్నారు. దేశంలో లింగ వైవిధ్యం పట్ల సానుకూలతను తీసుకొస్తుందని అన్నారు.
Read Today's Latest National News in Telugu and Telugu News
- Follow Us :
-
