కేరళలో ఖాతాతెరవనున్న బీజేపీ?

కేరళలో లోక్‌సభ ఎన్నికల ఫలితాలకు సంబంధించి ఎగ్జిట్‌ పోల్స్‌ సంస్థలు ఆసక్తికర అంచనాలు వెలువరించాయి. కేరళలో ఈసారి బీజేపీ ఖాతా తెరిచే అవకాశం ఉందని మెజారిటీ సంస్థలు పేర్కొన్నాయి. కమలం పార్టీకి ఇక్కడ ఒకటి నుంచి మూడు లోక్‌సభ స్థానాలు దక్కవచ్చని పేర్కొన్నాయి.

తిరువనంతపురం, జూన్‌ 1: కేరళలో లోక్‌సభ ఎన్నికల ఫలితాలకు సంబంధించి ఎగ్జిట్‌ పోల్స్‌ సంస్థలు ఆసక్తికర అంచనాలు వెలువరించాయి. కేరళలో ఈసారి బీజేపీ ఖాతా తెరిచే అవకాశం ఉందని మెజారిటీ సంస్థలు పేర్కొన్నాయి. కమలం పార్టీకి ఇక్కడ ఒకటి నుంచి మూడు లోక్‌సభ స్థానాలు దక్కవచ్చని పేర్కొన్నాయి. తిరువనంతపురం నియోజకవర్గంలో కాంగ్రెస్‌ సిట్టింగ్‌ ఎంపీ శశి థరూర్‌ను బీజేపీ అభ్యర్థి, కేంద్రమంత్రి రాజీవ్‌ చంద్రశేఖర్‌ ఓడించవచ్చని ఇండియా టుడే – యాక్సిస్‌ మే ఇండియా ఎగ్జిట్‌ పోల్‌ అంచనా వేసింది. త్రిస్సూర్‌లో బీజేపీ అభ్యర్థి, నటుడు సురేశ్‌ గోపి గెలవొచ్చని టైమ్స్‌ నౌ జోస్యం చెప్పింది. తమిళనాడులో బీజేపీకి ఒకటి నుంచి మూడు స్థానాలు దక్కవచ్చని ఎగ్జిట్‌ పోల్స్‌ సంస్థలు అంచనా వేశాయి. తమిళనాడు, కేరళలో విస్తరించాలని, కొన్ని సీట్లయినా గెలుచుకోవాలని బీజేపీ తీవ్రంగా ప్రయత్నించింది.