ఆరు రాష్ర్టాల్లో బర్డ్‌ఫ్లూ

ఆ జాబితాలో తెలంగాణ లేదు

న్యూఢిల్లీ: దేశంలో ఆరు రాష్ర్టాల్లో బర్డ్‌ఫ్లూ ప్రభావం ఉన్నదని కేంద్రం తెలిపింది. మధ్యప్రదేశ్‌, హిమాచల్‌ప్రదేశ్‌, హర్యానా, కేరళ, రాజస్థాన్‌, గుజరాత్‌ రాష్ర్టాల్లో బర్డ్‌ఫ్లూ ఆనవాళ్లు బయటపడ్డాయని వెల్లడించింది. కేంద్రం ప్రకటించిన బర్డ్‌ఫ్లూ జాబితాలో తెలంగాణ లేదు. ఢిల్లీలోని డీడీఏ పార్కులో 16 పక్షులు మృతిచెందాయని, దీంతో వాటి నుంచి నమూనాలను సేకరించి పరీక్ష నిమిత్తం ల్యాబ్‌కు పంపింది. మరోవైపు హర్యానాలోని పంచకుల జిల్లాలో జరిపిన పరీక్షల్లో  పక్షులకు బర్డ్‌ఫ్లూ సోకినట్లు తేలింది. 1.60 లక్షల పక్షులను మూకుమ్మడిగా చంపడానికి రాష్ట్ర సర్కార్‌ నిర్ణయించింది.