నా వాదన వినకుండానే దోషులకు బెయిలా?
గుజరాత్ అల్లర్ల సమయంలో తనపై సామూహిక లైంగిక దాడి, తన కుటుంబంలోని ఏడుగురిని హత్య చేసిన కేసులో నిందితులు ఇద్దరికి సుప్రీంకోర్టు బెయిల్ మంజూరు చేయడం పట్ల బిల్కిస్ బానో దిగ్భ్రాంతి వ్యక్తం చేశారు.
- పాత భయాలు మళ్లీ వెంటాడుతున్నాయ్
- సుప్రీంకోర్టు తీరుపై బిల్కిస్ బానో దిగ్భ్రాంతి
న్యూఢిల్లీ, నవంబర్ 17: గుజరాత్ అల్లర్ల సమయంలో తనపై సామూహిక లైంగిక దాడి, తన కుటుంబంలోని ఏడుగురిని హత్య చేసిన కేసులో నిందితులు ఇద్దరికి సుప్రీంకోర్టు బెయిల్ మంజూరు చేయడం పట్ల బిల్కిస్ బానో దిగ్భ్రాంతి వ్యక్తం చేశారు. ఇద్దరికీ విధించిన జీవితఖైదు శిక్షను తాత్కాలికంగా నిలుపుదల చేస్తూ, వారికి కోర్టు షరతులతో కూడిన బెయిల్ మంజూరు చేసింది. 17 ఏండ్లకుపైగా జైలులో ఉన్నారని, వారిలో ఒకరు తీవ్ర శారీరక వైకల్యంతో బాధపడుతున్నారని పేర్కొంటూ సుప్రీంకోర్టు న్యాయమూర్తులు ఎంఎం సుందరేశ్, పీబీ వరాలే ధర్మాసనం ఈ కేసులోని దోషులు బిపిన్ చంద్ర జోషి, ప్రదీప్ మొర్ధియాలకు బెయిల్ మంజూరు చేసింది. దీనిపై బాధితురాలు మాట్లాడుతూ ’మరోసారి, రెండోసారి కూడా నన్ను పిలవకుండా, నా వాదనలు వినకుండా సుప్రీంకోర్టు ఉత్తర్వులు జారీ చేసిందంటే ఇప్పటికీ నమ్మలేకపోతున్నాను. ఇది నాకు వార్తాపత్రికల కథనాల ద్వారానే తెలిసింది.’ అని అన్నారు.
తన వాదనలు వినకుండానే ఆ ఇద్దరి శిక్ష అమలును సుప్రీంకోర్టు ఎలా నిలిపివేసిందని బాధితురాలు ప్రశ్నించారు. ’ఎంతో కష్టపడి సాధించుకున్న న్యాయా న్నే కోల్పోతున్నట్టు అనిపిస్తున్నది. పాత భయాలు మళ్లీ తలెత్తుతున్నాయి. నాకు, నా కుటుంబానికి, నా పిల్లలకు మరోసారి భయంగా ఉన్నది. న్యాయంపై నమ్మకాన్ని మళ్లీ కోల్పోతానేమోనని కూడా భయంగా ఉన్నది. నాపై ఇలా చేసిన వారి శిక్షను సుప్రీంకోర్టు ఎలా నిలిపివేయగలిగింది? కనీసం నాకు ఎందు కు సమాచారం ఇవ్వలేదు? కోర్టులో నా గొంతు వినిపించేలా ఎందుకు చూడలేదు?’ అని ఆమె అన్నారు. దీనిపై పోరాడతానని ఆమె తెలిపారు.
Read Today's Latest National News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

