Visit:
కోల్‌కత: కేంద్ర ప్రభుత్వ ఆదేశాల మేరకు కోల్‌కతాలోని రాజ్‌భవన్‌ పేరును లోక్‌ భవన్‌గా పశ్చిమ బెంగాల్‌ గవర్నర్‌ సీవీ ఆనంద బోస్‌ మార్చారు. ఈ మేరకు శనివారం ఓ అధికారిక నోటిఫికేషన్‌ను గవర్నర్‌ జారీ చేస్తూ రాజ్‌ భవన్‌ను జన రాజ్‌ భవన్‌గా మార్చాలన్న గవర్నర్‌ అభ్యర్థన మేరకు 2023 మార్చి 27న రాష్ట్రపతి ద్రౌపది ముర్ము అప్పటి పశ్చిమ బెంగాల్‌ రాజ్‌భవన్‌ పేరు మార్పు గురించి ముఖ్యమంత్రి మమతా బెనర్జీకి తెలియచేసినట్లు గవర్నర్‌ తన నోటిఫికేషన్‌లో పేర్కొన్నారు. కేంద్ర హోం శాఖ నుంచి నవంబర్‌ 25న వచ్చిన వర్తమానం మేరకు కోల్‌కతాలోని రాజ్‌ భవన్‌కు చెందిన భవనాల పేరును లోక్‌ భవన్‌గా మార్చినట్లు నోటిఫికేషన్‌ తెలిపింది.
