Indian Army: మ‌ణిపూర్ మ‌హిళ‌ల‌కు విజ్ఞ‌ప్తి.. వీడియో రిలీజ్ చేసిన ఆర్మీ

Indian Army: మాన‌వ‌త్వాన్ని ప్ర‌ద‌ర్శించ‌డం బ‌ల‌హీన‌త కాదు అని ఇండియ‌న్ ఆర్మీ పేర్కొన్న‌ది. మ‌ణిపూర్‌లో సాయుధ నిర‌స‌న‌కారుల‌కు స్థానిక మ‌హిళ‌లు అండ‌గా నిల‌వ‌డాన్ని ఆర్మీ త‌ప్పుప‌ట్టింది. భ‌ద్ర‌తా ద‌ళాలు నిర్వ‌హిస్తున్న ఆప‌రేష‌న్‌కు మ‌హిళ‌లు అడ్డు వ‌స్తున్నార‌ని ఆర్మీ త‌న ట్విట్ట‌ర్ వీడియోలో పేర్కొన్న‌ది.

న్యూఢిల్లీ: మ‌ణిపూర్‌లో జ‌రుగుతున్న హింస‌ను అదుపు చేసేందుకు ప్ర‌జ‌లు స‌హ‌క‌రించాల‌ని భార‌తీయ ఆర్మీ(Indian Army) విజ్ఞ‌ప్తి చేసింది. శాంతి స్థాప‌న కోసం తాము చేస్తున్న ప్ర‌య‌త్నాల‌కు ప్ర‌జ‌లు మ‌ద్ద‌తు ఇవ్వాల‌ని ఆర్మీ త‌న ట్విట్ట‌ర్‌లో కోరింది. ఈశాన్య రాష్ట్ర‌మైన మ‌ణిపూర్‌లో గ‌త రెండు నెల‌ల నుంచి వ‌ర్గ పోరు న‌డుస్తున్న విష‌యం తెలిసిందే. దాని వ‌ల్ల హింస హ‌ద్దులు దాటింది. సాయుధ ద‌ళాలు ర‌క్త‌పాతం సృష్టిస్తున్నాయి. ఈ నేప‌థ్యంలో ఆప‌రేష‌న్ చేప‌ట్టిన ఆర్మీ విఫ‌ల‌మైంద‌న్న ఆరోప‌ణ‌లు వినిపిస్తున్నాయి. అయితే స్థానిక మ‌హిళ‌లు త‌మను అడ్డుకుంటున్న‌ట్లు ఆర్మీ త‌న ట్వీట్ వీడియోలో తెలిపింది. మ‌హిళలు కావాల‌ని సాయుధుల‌కు స‌హ‌కారం అందిస్తున్న‌ట్లు పేర్కొన్న‌ది. భ‌ద్ర‌తా ద‌ళాలు త‌మ విధుల‌ను నిర్వ‌ర్తించ‌కుండా మ‌హిళ‌లు అడ్డుప‌డుతున్నార‌ని ఆర్మీ ఆరోపించింది. ఈ నేప‌థ్యంలో ఓ ప్ర‌త్యేక వీడియోను ఆర్మీ త‌న ట్విట్ట‌ర్‌లో పోస్టు చేసింది. త‌మ మాన‌వ‌త్వాన్ని బ‌ల‌హీన‌త‌గా చూడ‌రాదు అని ఆర్మీ త‌న వీడియోలో తెలిపింది.

Women activists in #Manipur are deliberately blocking routes and interfering in Operations of Security Forces. Such unwarranted interference is detrimental to the timely response by Security Forces during critical situations to save lives and property.
🔴 Indian Army appeals to… pic.twitter.com/Md9nw6h7Fx

— SpearCorps.IndianArmy (@Spearcorps) June 26, 2023