అసోంలో ఈనెల 22 వ‌ర‌కు క‌రోనా ఆంక్ష‌లు పొడిగింపు

క‌రోనా ఆంక్ష‌లు| క‌రోనా నియంత్ర‌ణకు విధించిన ఆంక్ష‌ల‌ను అసోం ప్రభుత్వం మ‌రోమారు పొడిగించింది. రాష్ట్రంలో ఈ నెల 22 వ‌ర‌కు కొవిడ్ నిషేధాజ్ఞల‌ను కొన‌సాగుతాయ‌ని ప్ర‌క‌టించింది. అయితే కొన్ని జిల్లాల్లో మ‌హ‌మ్మారి వ్యాప్తి త‌గ్గ‌డంతో ఆంక్షలను సడలించింది.

గువాహ‌టి: క‌రోనా నియంత్ర‌ణకు విధించిన ఆంక్ష‌ల‌ను అసోం ప్రభుత్వం మ‌రోమారు పొడిగించింది. రాష్ట్రంలో ఈ నెల 22 వ‌ర‌కు కొవిడ్ నిషేధాజ్ఞల‌ను కొన‌సాగుతాయ‌ని ప్ర‌క‌టించింది. అయితే కొన్ని జిల్లాల్లో మ‌హ‌మ్మారి వ్యాప్తి త‌గ్గ‌డంతో ఆంక్షలను సడలించింది. ఈ మేర‌కు అసోం రాష్ట్ర విపత్తు నిర్వహణ అథారిటీ (ఏఎస్‌డీఎంఏ) మార్గదర్శకాలను విడుద‌ల చేసింది. ఇవి జూన్ 16 ఉదయం 5 గంటల నుంచి ఈనెల‌ 22 ఉదయం 5 గంటల వరకు అమలులో ఉంటాయ‌ని తెలిపింది. రాష్ట్రంలో క‌రోనా ప‌రిస్థితుల‌ను సమీక్షించామ‌ని, కొన్ని జిల్లాల్లో బాధితుల‌ సంఖ్య, క‌రోనా వ్యాప్తి త‌గ్గుతున్న‌ద‌ని పేర్కొన్న‌ది. అయిన‌ప్ప‌టికీ పరిస్థితులు ప్రమాదకరంగానే ఉన్నాయ‌ని వెల్ల‌డించింది.

రాష్ట్రంలో నిన్న 3678 కేసులు కొత్త‌గా న‌మోద‌య్యాయి. దీంతో మొత్తం కేసులు 4,63,175కు చేరాయి. ఇందులో 4,18,472 మంది బాధితులు కోలుకోగా, 40,709 మంది చికిత్స పొందుతున్నారు. మ‌రో 3994 మంది మృతిచెందారు.