Mayawati | తమిళనాడులో శాంతిభద్రతలు అదుపులో లేవన్న మాయావతి.. !

Mayawati | తమిళనాడు బీఎస్పీ రాష్ట్ర శాఖ అధ్యక్షుడు ఆర్మ్ ‌స్ట్రాంగ్ హత్య కేసు విచారణను సీబీఐకి అప్పగించాలని ఆ పార్టీ అధ్యక్షురాలు మాయావతి డిమాండ్ చేశారు.

July 7, 2024 / 11:20 PM IST

Mayawati | తమిళనాడులో శాంతిభద్రతలు అదుపులో లేవన్న మాయావతి.. !

Mayawati | తమిళనాడు బీఎస్పీ రాష్ట్ర శాఖ అధ్యక్షుడు ఆర్మ్ ‌స్ట్రాంగ్ హత్య కేసు విచారణను సీబీఐకి అప్పగించాలని ఆ పార్టీ అధ్యక్షురాలు మాయావతి డిమాండ్ చేశారు. ఆదివారం ఆమె పార్టీ సమన్వయకర్త ఆకాశ్ ఆనంద్ తో కలిసి చెన్నైలో ఆర్మ్‌స్ట్రాంగ్ భౌతిక కాయానికి నివాళులర్పించారు. ఈ సందర్భంగా మాయావతి మాట్లాడుతూ.. ఆర్మ్ స్ట్రాంగ్ హత్య కేసు విచారణను తమిళనాడు రాష్ట్ర ప్రభుత్వం సీరియస్‌గా తీసుకోలేదన్నారు. అందువల్లే ఇప్పటి వరకూ ఈ కేసులో నిందితులను అరెస్ట్ చేయలేదని చెప్పారు.

బాధితుడికి న్యాయం జరగాలంటే ఈ కేసు విచారణను సీబీఐకి అప్పగించాలని మాయావతి డిమాండ్ చేశారు. ఈ ఘటనతో తమిళనాడులో శాంతిభద్రతలు అదుపులో లేవని తేలిపోయిందన్నారు. ఆర్మ్ స్ట్రాంగ్ హత్య వల్ల దళిత నేతలు భయాందోళనకు గురవుతున్నారని చెప్పారు.