కరోనా ఎఫెక్ట్‌.. అక్కడికి విమానాలు రద్దు చేసిన ఎయిర్‌ ఇండియా

Hong Kong | హాంకాంగ్‌లో కరోనా కేసులు నానాటికీ పెరిగిపోతున్నాయి. దీంతో చైనాలో స్వయం ప్రతిపత్తికలిగిన ఈ ప్రాంతానికి ఎయిర్‌ ఇండియా విమాన సర్వీసులను రద్దు చేసింది. ఈ నెల 19 నుంచి 23 వరకు విమానాలను నడపడం లేదని స్పష్టం

న్యూఢిల్లీ: హాంకాంగ్‌లో (Hong Kong) కరోనా కేసులు నానాటికీ పెరిగిపోతున్నాయి. దీంతో చైనాలో స్వయం ప్రతిపత్తికలిగిన ఈ ప్రాంతానికి ఎయిర్‌ ఇండియా విమాన సర్వీసులను రద్దు చేసింది. ఈ నెల 19 నుంచి 23 వరకు విమానాలను నడపడం లేదని స్పష్టం చేసింది. కరోనా వ్యాప్తిని నిలువరించడానికి అధికారులు కరోనా ఆంక్షలు విధించారు. దీంతోపాటు డిమాండ్‌ కూడా తక్కువగా ఉన్నదని ఈ నేపథ్యంలో విమాన సర్వీసులను నిలిపివేస్తున్నట్లు ఎయిర్‌ ఇండియా అధికారులు ప్రకటించారు.

భారత్‌ నుంచి హాంకాంగ్‌ రావాలనుకునేవారు 48 గంటల ముందే పరీక్షలు చేయించుకోవాలని, నెగెటివ్‌ రిపోర్ట్‌ తప్పనిసరని అధికారులు స్పష్టం చేశారు. కాగా, ఒమిక్రాన్‌ వేరియంట్‌ నేపథ్యంలో ఈ ఏడాది జనవరిలో భారత్‌తోపాటు ఎనిమిది దేశాల నుంచి విమానాల రాకపోకలపై హాంకాంగ్‌ రెండు వారాలపాటు ఆంక్షలు విధించింది.