Congress Dares Arvind Kejriwal | దమ్ముంటే ‘ఇండియా’ కూటమి నుంచి వైదొలగాలి.. కేజ్రీవాల్‌కు కాంగ్రెస్‌ సవాల్‌

Congress Dares Arvind Kejriwal | దేశ రాజధాని ఢిల్లీలో అసెంబ్లీ ఎన్నికల నేపథ్యంలో రాజకీయ విమర్శలు తీవ్రస్థాయికి చేరాయి. కాంగ్రెస్ నేత రాహుల్‌ గాంధీని నిజాయితీ లేని వ్యక్తుల్లో ఒకరిగా ఆప్‌ రిలీజ్‌ చేసిన పోస్టర్‌లో పేర్కొన్నారు. కాంగ్రెస్‌ పార్టీ దీనిపై మండిపడింది.

న్యూఢిల్లీ: దేశ రాజధాని ఢిల్లీలో అసెంబ్లీ ఎన్నికల నేపథ్యంలో రాజకీయ విమర్శలు తీవ్రస్థాయికి చేరాయి. కాంగ్రెస్ నేత రాహుల్‌ గాంధీని నిజాయితీ లేని వ్యక్తుల్లో ఒకరిగా ఆప్‌ రిలీజ్‌ చేసిన పోస్టర్‌లో పేర్కొన్నారు. కాంగ్రెస్‌ పార్టీ దీనిపై మండిపడింది. (Congress Dares Arvind Kejriwal) దమ్ముంటే ‘ఇండియా’ కూటమి నుంచి వైదొలగాలని కేజ్రీవాల్‌కు సవాల్‌ విసిరింది. ఢిల్లీలోని కల్కాజీ అసెంబ్లీ నియోజకవర్గం నుంచి పోటీ చేస్తున్న కాంగ్రెస్ అభ్యర్థిని అల్కా లంబా ఆప్‌పై మండిపడ్డారు. 2024 లోక్‌సభ ఎన్నికల సమయంలో ఆ పార్టీతో పొత్తు పెట్టుకోవడం ద్వారా పెద్ద తప్పు చేశామని అన్నారు.

కాగా, ఢిల్లీ మాజీ సీఎం షీలా దీక్షిత్, మాజీ ప్రధాని డాక్టర్ మన్మోహన్ సింగ్‌లను అరవింద్‌ కేజ్రీవాల్ అవమానించారని అల్కా లంబా ఆరోపించారు. ఆయన క్షమాపణ చెప్పాలని డిమాండ్ చేశారు. ‘అరవింద్ కేజ్రీవాల్‌కు ధైర్యం ఉంటే, ‘ఇండియా’ కూటమి నుంచి వైదొలుగుతున్నట్లు ప్రకటించాలి. వంద మంది ఎంపీలతో కాంగ్రెస్ పార్టీ బలంగా ఉంది. ఢిల్లీలోని ఏడు ఎంపీ సీట్లను బీజేపీకి ఇచ్చింది అరవింద్ కేజ్రీవాలే’ అని అన్నారు. మరోవైపు బీజేపీకి బీ టీం ఆప్‌ అని కాంగ్రెస్ సీనియర్ నేత జైరాం రమేష్ విమర్శించారు.

#WATCH | Delhi: Congress candidate from Kalkaji assembly constituency, Alka Lamba says, “…If Arvind Kejriwal has guts, he should announce that he is leaving the INDIA alliance. Congress party is standing strong with 100 MPs and Arvind Kejriwal is the one who gave all the 7… pic.twitter.com/LmPNrNvcNj

— ANI (@ANI) January 25, 2025

एक अकेला पड़ेगा सब पर भारी 🔥 pic.twitter.com/5jkvWaDXt4

— AAP (@AamAadmiParty) January 25, 2025