Actor Sathyaraj | సనాతన ధర్మంపై ఉదయనిధి స్పష్టంగా మాట్లాడారు.. మంత్రికి మద్దతు తెలిపిన కట్టప్ప

Actor Sathyaraj | సనాతన ధర్మం (Sanatana Dharma)పై తమిళనాడు మంత్రి ఉదయనిధి స్టాలిన్‌ (Udhayanidhi Stalin) చేసిన వ్యాఖ్యలు తీవ్ర దుమారం రేపుతున్నాయి. ఈ నేపథ్యంలో ప్రముఖ నటుడు సత్యరాజ్‌ (Actor Sathyaraj) ఉదయనిధికి మద్దతుగా నిలిచారు. ఆయన మాటల్లో తప్పేముందని వ్యాఖ్యానించారు.

Actor Sathyaraj | సనాతన ధర్మం (Sanatana Dharma)పై తమిళనాడు మంత్రి ఉదయనిధి స్టాలిన్‌ (Udhayanidhi Stalin) చేసిన వ్యాఖ్యలు తీవ్ర దుమారం రేపుతున్నాయి. ప్రస్తుతం ఆయన వ్యాఖ్యలపై దేశవ్యాప్తంగా మిశ్రమ స్పందన వ్యక్తమవుతోంది. స్టాలిన్‌ వ్యాఖ్యలపై మతపెద్దలు, అర్చకులు, బీజేపీ సహా కొన్ని పార్టీల నేతలు తీవ్ర విమర్శలు చేస్తున్నారు. అదే సమయంలో కొందరు ఉదయనిధికి మద్దతుగా నిలుస్తున్నారు. ఈ నేపథ్యంలో ప్రముఖ నటుడు సత్యరాజ్‌ (Actor Sathyaraj) ఉదయనిధికి మద్దతుగా నిలిచారు. ఆయన మాటల్లో తప్పేముందని వ్యాఖ్యానించారు.

‘సనాతన ధర్మంపై ఉదయనిధి స్పష్టంగా మాట్లాడారు. ఇంత ధైర్యంగా తన అభిప్రాయాలను వెల్లడించినందుకు అభినందిస్తున్నాను. ఓ మంత్రిగా ఉదయనిధి కార్యచరణ, వ్యవహార శైలి పట్ల గర్విస్తున్నాను’ అంటూ చెప్పుకొచ్చారు. ప్రస్తుతం కట్టప్ప కామెంట్స్‌ వైరల్‌ అవుతున్నాయి.

‘సనాతన ధర్మం’ (Sanatana Dharma) డెంగీ, మలేరియా లాంటిదని, దాన్ని నిర్మూలించాలని తమిళనాడు మంత్రి ఉదయనిధి స్టాలిన్‌ (Udhayanidhi Stalin) చేసిన వ్యాఖ్యలు దేశవ్యాప్తంగా తీవ్ర దుమారం రేపుతున్న విషయం తెలిసిందే. మంత్రి వ్యాఖ్యలపై పలువురు తీవ్ర అభ్యంతరం వ్యక్తం చేస్తున్నారు. క్షమాపణలు చెప్పాలని డిమాండ్‌ చేస్తున్నారు. అయితే, ఉదయనిధి మాత్రం తన వ్యాఖ్యలకు కట్టుబడే ఉన్నానని.. ఈ విషయంలో క్షమాపణలు చెప్పేదే లేదని తెగేసి చెబుతున్నారు.

Also Read..

Stock Market | అంతర్జాతీయ మార్కెట్‌లో ప్రతికూల సంకేతాలు.. లాభాల్లో దేశీయ సూచీలు..!

G20 Meeting: మ‌న్మోహ‌న్ సింగ్‌, హెచ్‌డీ దేవ‌గౌడ‌కు ఆహ్వానం.. మ‌ల్లిఖార్జున్ ఖ‌ర్గేకు అంద‌ని ఆహ్వానం

Varanasi | కాశీ విశ్వనాథుడికి రికార్డు స్థాయిలో విరాళాలు.. శ్రావణ మాసంలోనే..!