Visit:
న్యూఢిల్లీ: స్విగ్గీలో వెజ్‌ బిర్యానీ (Veg Biryani) ఆర్డర్ చేసిన నటషా భరద్వాజ్‌ (Natasha Bharadwaj) అనే మహిళ.. డెలివరీ బాయ్‌ ఇచ్చి వెళ్లిన పార్సిల్‌ను తెరిచి చూసి కంగుతున్నది. ఎందుకంటే ఆ వెజ్‌ బిర్యానీలో ఆలుగడ్డలతోపాటే ఒక నాన్‌ వెజ్‌ ముక్క (Meat Piece) కూడా వచ్చింది. బిర్యానీ మధ్యలో మాంసం ముక్కను చూసి ప్యూర్‌ వెజిటేరియన్‌ అయిన నటషా తీవ్ర మనోవేదనకు గురైంది.
ఈ విషయంపై నటషా స్విగ్గీని ప్రశ్నించగా.. తమ రెస్టారెంట్‌ పార్టనర్స్‌ నుంచి అలాంటి మిక్సప్‌లు జరిగే అవకాశం లేదని, అయినా దీనిపై తాము ఎంక్వయిరీ చేస్తామని తెలిపింది. అంతేగాక రెస్టారెంట్‌ వాళ్లతో నేరుగా మట్లాడి సమస్యను పరిష్కరించుకోవాలని సూచించింది. అయితే నటషా వెజ్‌ బిర్యానీలో వచ్చిన మాంసం ముక్కను ఫొటో తీసి ట్విటర్‌లో పోస్ట్‌ చేసింది.
‘మీరు కూడా నాలాగే ప్యూర్‌ వెజిటేరియన్‌ అయితే స్విగ్గీలో ఆర్డర్ చేసేముందు ఒకటికి రెండుసార్లు ఆలోచించండి’ అని పేర్కొంది. తాను స్విగ్గీ ప్లాట్‌ఫామ్‌పై వెజటేరియన్‌గా మార్క్‌ చేసి ఉన్న రెస్టారెంట్‌ నుంచి వెజ్‌ బిర్యానీ ఆర్డర్ చేశానని, కానీ డెలివరీ బాయ్‌ తనకు ఇచ్చి వెళ్లిన పార్సిల్‌లో మటనో, చికెనో తెలియదుగానీ ఒక మాంసం ముక్క వచ్చిందని అని నటషా వెల్లడించింది.
If you’re a strict vegetarian (like me) think twice before ordering from @Swiggy !
I ordered biriyani rice with aloo which is clearly MARKED AS VEGETARIAN on the platform and I found a piece of meat (could be chicken, mutton or anything!) in the rice.
Such grave errors are… pic.twitter.com/h7K57CPML4
— Natasha Bhardwaj (@bhardwajnat) April 11, 2023
