గౌహతి: కొందరు వ్యక్తులు ఒక ఏనుగును చెప్పులతో భయపెట్టేందుకు ప్రయత్నించారు. (Men Trying To Scare Wild Elephant With Slippers) దీంతో ఆ ఏనుగు కోపంతో పలుమార్లు వారి వైపు దూసుకొచ్చింది. ఈ వీడియో క్లిప్ సోషల్ మీడియాలో వైరల్ అయ్యింది. అస్సాంలో ఈ సంఘటన జరిగింది. ఒక ఏనుగు ఎత్తైన ప్రదేశంలో ఉండగా కొంత మంది వ్యక్తులు దిగువన ఉన్నారు. ఆ ఏనుగును బెదరగొట్టేందుకు చెప్పులు చూపించి దాని వద్దకు వెళ్లేందుకు ప్రయత్నించారు. దీంతో ఆ ఏనుగు పలుమార్లు వారి వైపు దూసుకొచ్చింది. అయితే చివరకు అది వెనక్కి తగ్గి అక్కడి నుంచి వెళ్లిపోయింది.
కాగా, ఇండియన్ ఫారెస్ట్ సర్వీస్ (ఐఎఫ్ఎస్) అధికారి పర్వీన్ కస్వాన్ ఈ వీడియో క్లిప్ను ఎక్స్లో పోస్ట్ చేశారు.‘ఇక్కడ ఉన్న నిజమైన జంతువును గుర్తించండి. ఈ భారీ ఏనుగు దాడి చేస్తే కిల్లర్స్ అని పిలుస్తాం. ఇలా ఎప్పుడూ చేయవద్దు, ఇది ప్రాణాపాయం. ఈ వీడియో అస్సాంకు చెందినది’ అని పేర్కొన్నారు.
మరోవైపు ఈ వీడియో క్లిప్ సోషల్ మీడియాలో వైరల్ అయ్యింది. మనుషులు, అటవీ జంతువుల మధ్య సంఘర్షణకు సంబంధించిన చర్చకు ఇది దారితీసింది. ఏనుగును రెచ్చగొట్టేందుకు ప్రయత్నించిన వారిపై కొందరు ఆగ్రహం వ్యక్తం చేశారు. వారిపై కఠిన చర్యలు తీసుకోవాలని మరికొందరు డిమాండ్ చేశారు.
Identify the real animal here. Then these giants charge & we call them killers. Dont ever do this, it’s life threatening. Video is from Assam. pic.twitter.com/e1yltV4RQP
— Parveen Kaswan, IFS (@ParveenKaswan) December 7, 2023