40 ఏండ్ల తర్వాత మళ్లీ బగ్గీలో..

గణతంత్ర దినోత్సవాల సందర్భంగా రాష్ట్రపతి ద్రౌపది ముర్ము, ఫ్రాన్స్‌ అధ్యక్షుడు మెక్రాన్‌ బుల్లెట్‌ ప్రూఫ్‌ కాన్వాయ్‌లో కాకుండా సంప్రదాయ బగ్గీలో రాష్ట్రపతి భవన్‌ నుంచి కర్తవ్యపథ్‌కు చేరుకున్నారు. గణతంత్ర వేడుకల్లో రాష్ట్రపతి బగ్గీని వినియోగించడం 40 ఏండ్ల తర్వాత ఇదే తొలిసారి. ఈ బండి వెనుక ఆసక్తికరమైన చరిత్ర ఉంది.

న్యూఢిల్లీ: గణతంత్ర దినోత్సవాల సందర్భంగా రాష్ట్రపతి ద్రౌపది ముర్ము, ఫ్రాన్స్‌ అధ్యక్షుడు మెక్రాన్‌ బుల్లెట్‌ ప్రూఫ్‌ కాన్వాయ్‌లో కాకుండా సంప్రదాయ బగ్గీలో రాష్ట్రపతి భవన్‌ నుంచి కర్తవ్యపథ్‌కు చేరుకున్నారు. గణతంత్ర వేడుకల్లో రాష్ట్రపతి బగ్గీని వినియోగించడం 40 ఏండ్ల తర్వాత ఇదే తొలిసారి. ఈ బండి వెనుక ఆసక్తికరమైన చరిత్ర ఉంది.

బ్రిటిష్‌ పాలనా కాలంలో భారత దేశ వైస్రాయ్‌ దీనిని ఉపయోగించేవారు. అప్పటి వైస్రాయ్‌ ఎస్టేట్‌ (ప్రస్తుత ప్రెసిడెన్షియల్‌ ఎస్టేట్‌)లో ఈ బండిలో విహరించేవారు. బ్రిటిష్‌ పాలన అంతమై, భారత్‌, పాకిస్థాన్‌ వేర్వేరు దేశాలుగా ఏర్పాటైనపుడు ఈ విలాసవంతమైన బండి కోసం పోటీ జరిగింది. దీనిని దక్కించుకోవడానికి భారత్‌, పాక్‌ ప్రయత్నించాయి. చివరికి ఓ నాణేన్ని ఎగురవేసి, అదృష్టం ఎవరిని వరిస్తే వారిదే ఈ బగ్గీ అనే రాజీ మార్గానికి వచ్చారు. భారత దేశ కర్నల్‌ ఠాకూర్‌ గోవింద్‌ సింగ్‌, పాకిస్థాన్‌ కర్నల్‌ సాహబ్‌జాదా యాకూబ్‌ ఖాన్‌ నాణేన్ని ఎగురవేశారు. అదృష్టం భారత్‌ను వరించింది. దీంతో ఈ బండి భారత్‌కు లభించింది.