Nagaland | కరోనా ఉన్నా… పోరాట పంథా వీడని నాగాలు.. ఏకంగా 70 కిలోమీటర్ల మేర పాదయాత్ర
Nagaland | కోవిడ్ విజృంభిస్తున్నా… నాగాలాండ్ వాసులు మాత్రం తమ పోరాట పంథా నుంచి వెనక్కి మళ్లడం లేదు. ఏఎఫ్ఎస్పీఏ

Nagaland | కోవిడ్ విజృంభిస్తున్నా… నాగాలాండ్ వాసులు మాత్రం తమ పోరాట పంథా నుంచి వెనక్కి మళ్లడం లేదు. ఏఎఫ్ఎస్పీఏ (సాయుధ బలగాల ప్రత్యేక అధికారాల చట్టం) చట్టాన్ని వెంటనే రద్దు, ఆర్మీ కాల్పుల్లో 14 మంది సామాన్యులు చనిపోయిన ఉదంతాన్ని వ్యతిరేకిస్తూ పెద్ద ఎత్తున ఆందోళన నిర్వహిస్తున్నారు. ఇన్ని రోజుల పాటు ఉదంతం జరిగిన చుట్టు పక్కల ప్రాంతాల్లో, ప్రధాన పట్టణాల్లో మాత్రమే నాగాలు తమ నిరసనను వ్యక్తం చేస్తూ వచ్చారు. ప్రభుత్వం మిన్నకుండి పోవడంతో తమ నిరసనను మరింత ఉధృతం చేయాలని నిర్ణయించుకున్నారు.
ఏఎఫ్ఎస్పీఏ చట్టం, ఆర్మీ జవాన్లు జరిపిన కాల్పుల్లో 14 మంది పౌరులు మరణించిన ఉదంతాన్ని వ్యతిరేకిస్తూ ఏకంగా 70 కిలోమీటర్ల మేర పాదయాత్ర చేస్తూ, తమ నిరసనను వ్యక్తం చేస్తున్నారు. ఏఎఫ్ఎస్పీఏ రద్దు చేయండి అంటూ రాసి వున్న ప్లకార్డులను చేతబూని, నిరసనకారులందరూ పాదయాత్రగా బయలుదేరారు. నాగాలాండ్ కమర్షియల్ హబ్గా పేరు గాంచిన దిమాపూర్ నుంచి రాష్ట్ర రాజధాని కోహిమా వరకూ ఈ పాదయాత్ర చేపట్టారు. ఈ పాదయాత్ర సోషల్ మీడియాలో తెగ వైరల్ అవుతోంది. దీంతో దారిపొడుగునా ఉన్న వివిధ ప్రాంతాల ప్రజలు కూడా ఈ పాదయాత్రకు తమ మద్దతు పలుకుతున్నారు. తాము ఈ పాదయాత్రను చాలా శాంతియుతంగానే నిర్వహిస్తున్నామని, అత్యంత ప్రజాస్వామ్య రీతిలో నిరసన వ్యక్తం చేస్తున్నామని, ఏఎఫ్ఎస్పీఏ చట్టంపై ప్రజలకు ఎంత ఆగ్రహం ఉందో తెలియజేయడానికే ఈ పాదయాత్ర అని రుకేవేజో వెట్సాహ్ అనే నిరసన కారుడు స్పష్టం చేశాడు.

ఏఎఫ్ఎస్పీఏ చట్టాన్ని రద్దు చేసే అవకాశాన్ని పరిశీలించేందుకు కేంద్రం ఓ కమిటీని వేసిందని నాగాలాండ్ సీఎం నెఫియూ రియో కొన్ని రోజుల క్రిందట వెల్లడించారు. ఈ కమిటీలో ఐదుగురు సభ్యులు ఉంటారు. రిజిస్ట్రార్ జనరల్ ఆఫ్ ఇండియా, సెన్సెస్ కమిషనర్ వివేక్ జోషి అధ్యక్షుడిగా ఉంటారు. కేంద్ర హోంశాఖ అదనపు కార్యదర్శి పీయూశ్ గోయల్ సభ్య కార్యదర్శిగా ఉంటారు. ఇక నాగాలాండ్ సీఎస్, డీజీపీ, అస్సాం రైఫిల్స్ డీజీపీ సభ్యునిగా ఉంటారు. ఏఎఫ్ఎస్పీఏ చట్టాన్ని రద్దు చేసే సాధ్యాసాధ్యాలపై ఈ కమిటీ 45 రోజుల్లోగా నివేదిక తయారు చేసి, కేంద్రానికి సమర్పించనుంది.
Read Today's Latest National News in Telugu and Telugu News
RELATED ARTICLES
తాజా వార్తలు
Parliament Session | కొనసాగింపా..శీతాకాలమా.. 100 రోజులు పూర్తయినా ప్రొరోగ్ కాని ఉభయ సభలు?
Delimitation Bill | ఒక్కో ఎంపీకి రూ.150 కోట్ల ఆఫర్.. డీలిమిటేషన్ బిల్లు ఆమోదానికి ప్రలోభాలు: సంజయ్ రౌత్
B Pharmacy Syllabus | ఇక ఫార్మసీ విద్యార్థులకూ పైథాన్ కోడింగ్.. ఇంజినీరింగ్ తరహాలో ఏఐ, మెషిన్ లెర్నింగ్ సిలబస్ కూడా!
Kollywood | ఒకే ఫ్రేమ్లో విజయ్, రజినీకాంత్, కమల్ హాసన్.. మురిసిపోతున్న ఫ్యాన్స్
Promotions | జీపీ కార్యదర్శులకు ప్రమోషన్లు ఎప్పుడు?.. ఏడు నెలలైనా గ్రేడింగ్పై తేల్చని ప్రభుత్వం
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

