Visit:
చండీగఢ్‌: పోలీసు కస్టడీలో ఉన్న గ్యాంగ్‌స్టర్‌ లారెన్స్‌ బిష్ణోయ్‌ టీవీ ఇంటర్వ్యూ ఇచ్చేందుకు అవకాశం ఇచ్చిన ఇద్దరు డీఎస్పీలు సహా ఏడుగురు పోలీసు అధికారులను పంజాబ్‌ ప్రభుత్వం సస్పెండ్‌ చేసింది. 2022 సెప్టెంబరు 3, 4 తేదీల్లో పోలీస్‌ కస్టడీలో ఉండగా లారెన్స్‌ వీడియో కాన్ఫరెన్సింగ్‌ ద్వారా ఓ ప్రైవేట్‌ టీవీ చానల్‌కు ఇంటర్వ్యూ ఇచ్చినట్లు, ఈ ఇంటర్వ్యూ రెండు భాగాలుగా గత ఏడాది మార్చిలో ప్రసారమైనట్లు సిట్‌ ధ్రువీకరించింది. దీంతో పంజాబ్‌ హోం శాఖ కార్యదర్శి గుర్‌కిరత్‌ కిర్పాల్‌ సింగ్‌ ఈ నెల 25 రాత్రి ఈ అధికారులను సస్పెండ్‌ చేస్తూ ఆదేశాలు ఇచ్చారు.
