Visit:
రిపోర్ట‌ర్ ఉద్యోగం అనేది అంత ఈజీ కాదు. ప్ర‌జ‌ల‌తో ముడిప‌డి ఉంటుంది. ప్ర‌జ‌ల స‌మ‌స్య‌ల‌ను ప్ర‌భుత్వాల‌కు, అధికారులకు మీడియా ద్వారా చేర‌వేయ‌డ‌మే రిపోర్ట‌ర్ విధి. రిపోర్టింగ్ చేయాలంటే ఎంతో అనుభ‌వం, ప‌రిజ్ఞానం ఉండాలి. కానీ.. ఐదేళ్ల ఓ చిన్నారి మాత్రం స‌రిగ్గా మాట్లాడ‌ట‌మే రాకున్నా రిపోర్టర్గా మారింది. త‌న ఇంటి ద‌గ్గ‌ర ఉన్న రోడ్డు ప‌రిస్థితుల‌ను అంద‌రికీ తెలిసేలా చేసింది.
క‌శ్మీర్‌కు చెందిన హ‌ఫీజా అనే చిన్నారి వీడియో ప్ర‌స్తుతం సోష‌ల్ మీడియాలో వైర‌ల్ అవుతోంది. త‌న ఇంటి ద‌గ్గ‌ర ఉన్న రోడ్డు అధ్వానంగా మారింది. అంతా బుర‌ద.. క‌నీసం న‌డ‌వ‌డానికి కూడా చాన్స్ లేకుండా.. రోడ్డు ద‌రిద్రంగా ఉన్నా అధికారులు ఎవ్వ‌రూ స్పందించ‌డం లేద‌ని.. తానే రిపోర్టర్గా మారి.. అక్క‌డ రోడ్డు ప‌రిస్థితిని వివ‌రించింది. రోడ్డు ద‌రిద్రంగా ఉండ‌టంతో చివ‌ర‌కు త‌మ ఇంటికి ఎవ్వ‌రూ రావ‌డం లేద‌ని ఆ పాప వీడియోలో స్ప‌ష్టం చేసింది.
ఆ వీడియోను చూసిన నెటిజ‌న్లు.. అంత చిన్న‌వ‌య‌సులో ఎంతో విజ్ఞ‌త‌తో ఆలోచించిన లిటిల్ రిపోర్ట‌ర్‌కు అభినంద‌న‌లు చెబుతున్నారు. ఆ వీడియోను ప్ర‌ధాని మోదీకి కూడా ట్యాగ్ చేశారు. జ‌మ్ముక‌శ్మీర్‌లో రోడ్లు ఎలా ఉన్నాయో చూడండి అంటూ కామెంట్లు చేస్తున్నారు.
