మూర్ఛ నాటకమాడి  17 మంది ఖైదీల పరారీ

సహాయం చేయడానికి విధుల్లో ఉన్న జైలు సిబ్బంది గది తాళం తీసి లోపలకు వెళ్లిన వెంటనే వారిపైన ఖైదీలు దాడి చేసి విచక్షణారహితంగా చితకబాదారు. ఈ దాడిలో ముగ్గురు అధికారులు గాయపడ్డారు. అనంతరం ఖైదీలు జైలు నుంచి తప్పించుకుని పారిపోయారు. కాగా వారిలో 13 మందిని కొన్ని గంటల్లోనే తిరిగి అదుపులోకి తీసుకున్నట్టు పోలీసులు మంగళవారం తెలిపారు. భారీ భద్రతా లోపంపై ప్రాథమిక విచారణ జరిపిన అనంతరం ఖైదీలు తప్పించుకున్న సమయంలో విధుల్లో ఉన్న తొమ్మిది మంది జైలు గార్డులను, అధికారులను సస్పెండ్‌ చేయాలని జైళ్ల శాఖ డైరెక్టర్‌ జనరల్‌ సందీప్‌ రాయ్‌ రాథోడ్‌ ఆదేశించారు. ప్రస్తుతం ఉన్నత స్థాయి పోలీసు అధికారుల పర్యవేక్షణలో జరుగుతున్న సమగ్ర విచారణ పూర్తయిన తర్వాత కఠిన చర్యలు తీసుకుంటామని న్యాయ శాఖ మంత్రి ఆర్‌ నిర్మల్‌ కుమార్‌ ధృవీకరించారు. పట్టుబడిన 13 మంది ఖైదీలను ప్రస్తుతం కానవళక్కు పోలీసు స్టేషన్‌లో విచారిస్తున్నారు. అదే సమయంలో హత్య, దొంగతనం, మాదకద్రవ్యాల అక్రమ రవాణా వంటి వివిధ నేరాలకు సంబంధించి గతంలో అరెస్టయి ప్రస్తుతం తప్పించుకున్న మిగిలిన నలుగురి కోసం విస్తృత గాలింపు చర్యలు కొనసాగుతున్నాయి.