Samruddhi Expressway | సమృద్ధి ఎక్స్‌ప్రెస్‌వేపై కంటైనర్‌ను ఢీకొట్టిన మినీ బస్‌.. 12 మంది మృతి

మహారాష్ట్రలోని (Maharashtra) సమృద్ధి ఎక్స్‌ప్రెస్‌వేపై (Samruddhi Expressway) ఘోర రోడ్డు ప్రమాదం జరిగింది. ఆదివారం తెల్లవారుజామున 12.30 గంటలకు ఔరంగాబాద్‌ జిల్లా (Aurangabad) వైజాపూర్‌ వద్ద ఎక్స్‌ప్రెస్‌వేపై వేగంగా దూసుకొచ్చిన ఓ ట్రావెలర్‌ అదుపుతప్పి ఆగిఉన్న కంటైనర్‌ని (Container) వెనుకనుంచి ఢీకొట్టింది.

ముంబై: మహారాష్ట్రలోని (Maharashtra) సమృద్ధి ఎక్స్‌ప్రెస్‌వేపై (Samruddhi Expressway) ఘోర రోడ్డు ప్రమాదం జరిగింది. ఆదివారం తెల్లవారుజామున 12.30 గంటలకు ఔరంగాబాద్‌ జిల్లా (Aurangabad) వైజాపూర్‌ వద్ద ఎక్స్‌ప్రెస్‌వేపై వేగంగా దూసుకొచ్చిన ఓ ట్రావెలర్‌ అదుపుతప్పి ఆగిఉన్న కంటైనర్‌ని (Container) వెనుకనుంచి ఢీకొట్టింది. దీంతో 12 మంది అక్కడికక్కడే మృతిచెందారు. పలువురు గాయపడ్డారు. సమాచారం అందుకున్న పోలీసులు ఘటనా స్థలానికి చేరుకుని సహాయక చర్యలు చేపట్టారు. క్షతగాత్రులను దవాఖానకు తరలించారు.

మృతుల్లో ఓ బాలిక సహా ఆరుగురు మహిళలు ఉన్నారని పోలీసులు తెలిపారు. ప్రమాద సమయంలో ట్రావెలర్‌లో మొత్తం 35 మంది ఉన్నారని చెప్పారు. ఈ ఘటపై కేసు నమోదుచేసి దర్యాప్తు చేస్తున్నామన్నారు.