అకాల వర్షానికి తడిసిన ధాన్యం… ఇబ్బందుల్లో రైతులు
యాదాద్రి భువనగిరి జిల్లా చౌటుప్పల్ వ్యవసాయ మార్కెట్లో రైతులకు కష్టాలు తప్పడం లేదు. ఆరుగాలం కష్టపడి పండించిన ధాన్యాన్ని అమ్ముకునేందుకు 15 రోజుల క్రితమే మార్కెట్కు తీసుకొచ్చిన రైతులకు నిరీక్షణే మిగిలింది. ఇప్పటివరకు కొనుగోళ్లు ప్రారంభం కాకపోవడంతో...
చౌటుప్పల్, అక్టోబర్ 31 : యాదాద్రి భువనగిరి జిల్లా చౌటుప్పల్ వ్యవసాయ మార్కెట్లో రైతులకు కష్టాలు తప్పడం లేదు. ఆరుగాలం కష్టపడి పండించిన ధాన్యాన్ని అమ్ముకునేందుకు 15 రోజుల క్రితమే మార్కెట్కు తీసుకొచ్చిన రైతులకు నిరీక్షణే మిగిలింది. ఇప్పటివరకు కొనుగోళ్లు ప్రారంభం కాకపోవడంతో మార్కెట్లో ధాన్యం నిల్వలు పేరుకుపోయాయి. రైతులు మిగతా వ్యవసాయ పనులు వదులుకుని కల్లాల వద్ద ఉంటున్నారు. అయినా కూడా ఎవరు పట్టించుకోవడం లేదు. ఈ క్రమంలో గత అర్ధరాత్రి కురిసిన అకాల వర్షం రైతుల ఆశలపై నీళ్లు చల్లింది. మార్కెట్లో నిల్వ ఉంచిన ధాన్యం రాశుల చుట్టూ నీరు చేరింది. దీంతో ధాన్యం తడిసి ముద్దయింది. ఇప్పటికే కొనుగోళ్ల కోసం రోజుల తరబడి ఎదురుచూస్తున్న రైతులకు ఇప్పుడు తడిసిన ధాన్యాన్ని ఎలా అమ్ముకోవాలో తెలియక ఆందోళన చెందుతున్నారు. ధాన్యం తడిసిపోవడంతో నాణ్యత తగ్గి కొనుగోలుకు నిరాకరిస్తారేమోనని భయపడుతున్నారు. ఇప్పటికైనా అధికారులు స్పందించి వెంటనే కొనుగోలు కేంద్రాలను ప్రారంభించాలని, తడిసిన ధాన్యాన్ని కూడా ఎలాంటి ఇబ్బందులు లేకుండా కొనుగోలు చేయాలని రైతులు ప్రభుత్వాన్ని కోరుతున్నారు.

అకాల వర్షానికి తడిసిన ధాన్యం… ఇబ్బందుల్లో రైతులు
Read Today's Latest Nalgonda Nalgonda News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

