Choutuppal : ఇందిరమ్మ ఇళ్ల నిర్మాణాలను వేగవంతం చేయాలి : అడిషనల్‌ కలెక్టర్ భాస్క‌ర్‌రావు

ఇందిరమ్మ ఇళ్ల లబ్ధిదారులు నిర్మాణాలను వేగవంతం చేయాలని యాదాద్రి భువ‌న‌గిరి జిల్లా అడిషనల్‌ కలెక్టర్ భాస్కర్‌ రావు అన్నారు. శనివారం చౌటుప్ప‌ల్‌ మండల పరిధిలోని మసీదుగూడెం గ్రామంలో ఇందిరమ్మ ఇండ్ల నిర్మాణాల‌ను ఆయన పరిశీలించారు.

చౌటుప్పల్‌, జూన్ 28 : ఇందిరమ్మ ఇళ్ల లబ్ధిదారులు నిర్మాణాలను వేగవంతం చేయాలని యాదాద్రి భువ‌న‌గిరి జిల్లా అడిషనల్‌ కలెక్టర్ భాస్కర్‌ రావు అన్నారు. శనివారం చౌటుప్ప‌ల్‌ మండల పరిధిలోని మసీదుగూడెం గ్రామంలో ఇందిరమ్మ ఇండ్ల నిర్మాణాల‌ను ఆయన పరిశీలించారు. ఈ సందర్భంగా మాట్లాడుతూ ప్రభుత్వ మార్గదర్శకాల ప్రకారం నిర్మాణాలు చేప‌ట్టాల‌న్నారు. ఇందుకోసం గ్రామాల్లో పంచాయతీ అధికారులు ప్రత్యేక దృష్టి పెట్టాలని సూచించారు. ఈ పథకంపై అధికారులకు తగిన సూచనలు చేశారు. ఈ కార్యక్రమంలో ఎంపీడీఓ బి.సందీఫ్‌, ఎంపీఓ వి.అంజిరెడ్డి, పంచాయతీ సెక్రటరీ పాల్గొన్నారు.