పాఠశాల పరిసరాలను పరిశుభ్రంగా ఉంచాలి : సర్పంచ్ శ్యామల

పాఠశాల పరిసరాలను పరిశుభ్రంగా ఉంచాలని కట్టంగూర్ సర్పంచ్ ముక్కామల శ్యామల శేఖర్ అన్నారు. ప్రజా పాలన- ప్రగతి ప్రణాళిక కార్యక్రమంలో భాగంగా శనివారం రెండో రోజు పాలకవర్గ సభ్యులు..

కట్టంగూర్, మార్చి 7 : పాఠశాల పరిసరాలను పరిశుభ్రంగా ఉంచాలని కట్టంగూర్ సర్పంచ్ ముక్కామల శ్యామల శేఖర్ అన్నారు. ప్రజా పాలన- ప్రగతి ప్రణాళిక కార్యక్రమంలో భాగంగా శనివారం రెండో రోజు పాలకవర్గ సభ్యులు, ఉపాధ్యాయులు ఉన్నత పాఠశాల పరిసరాలు, వంటశాలను శుభ్రం చేసి చెత్తాచెదారం తొలగించారు. అనంతరం మధ్యాహ్న భోజనాన్ని పరిశీలించి విద్యార్థులతో మాట్లాడి వారితో కలిసి భోజనం చేశారు. ఈ సందర్భంగా ఆమె మాట్లాడుతూ మెనూ ప్రకారం విద్యార్థులుకు నాణ్యమైన భోజనం అందించాలని ఉపాధ్యాయులు, వంట కార్మికులకు సూచించారు. ఈ కార్యక్రమంలో ఎంఈఓ అంబటి అంజయ్య, పంచాయతీ కార్యదర్శి వడ్లకొండ అశోక్, ఉప సర్పంచ్ గుండు రాంబాబు, వార్డ సభ్యులు ఏకుల సుజాత, కల్లెం నాగేశ్వర్ రావ, అయితగోని సైదులు, ముషం రాణి, కానుగు సైదమ్మ, యర్కల శశి, సంధ్య, శ్రీను పాల్గొన్నారు.