కల్యాణ లక్ష్మి పథకం దేశానికే ఆదర్శం : ఎమ్మెల్యే చిరుమర్తి

MLA Chirumurthy | కల్యాణ లక్ష్మి ,షాదీ ముబారక్ పథకాలు దేశానికే ఆదర్శం అని నకిరేకల్‌ ఎమ్మెల్యే చిరుమర్తి లింగయ్య అన్నారు.

నల్లగొండ : కల్యాణ లక్ష్మి ,షాదీ ముబారక్ పథకాలు దేశానికే ఆదర్శం అని నకిరేకల్‌ ఎమ్మెల్యే చిరుమర్తి లింగయ్య అన్నారు. శుక్రవారం కేతపల్లి మండలానికి చెందిన 50మంది లబ్ధిదారులకు కల్యాణ లక్ష్మి, షాదీ ముబారక్ చెక్కులను పంపిణీ చేసి మాట్లాడారు.

కల్యాణ లక్ష్మి షాదీ ముబారక్ పథకం అనేది ముఖ్యమంత్రి కేసీఆర్ ఆలోచనలో నుంచి పుట్టిందన్నారు. సీఎం కేసీఆర్‌ పేదింటి ఆడపడుచుల పెండ్లిళ్లకు లక్ష రూపాయల నగదు సాయం అందజేసి పెద్దన్నల అండగా ఉంటున్నారన్నారు.

టీఆర్ఎస్ ప్రభుత్వం పేద ప్రజలను ఆర్థికంగా ఆదుకునేందుకు అనేక సంక్షేమ కార్యక్రమాలు అమలు చేస్తుందని పేర్కొన్నారు. కల్యాణ లక్ష్మి పథకంతో పెదింటి ఆడబిడ్డల పెండ్లికి రూ.1,00116 వేలు ఆర్దిక సహాయం రాష్ట్రంలోని మహిళల సంక్షేమానికి ప్రభుత్వం అనేక చర్యలు తీసుకుంటుందని చెప్పారు.

ప్రభుత్వ కార్యక్రమాలను ఉపయోగించుకుని మహిళలు అన్ని రంగాల్లో ముందంజలో ఉండాలని సూచించారు. కార్యక్రమంలో స్థానిక ప్రజాప్రతినిధులు, అధికారులు పాల్గొన్నారు.