‘నిరుద్యోగుల గొంతుక వినిపించేది బీఆర్ఎస్ పార్టీనే’

మోసపూరిత కాంగ్రెస్ ప్ర‌భుత్వానికి త్వరలో జరగనున్న వరంగల్- ఖమ్మం- నల్లగొండ గ్రాడ్యుయేట్ ఎమ్మెల్సీ ఎన్నికల్లో పట్టభ‌ద్రులు బుద్ధి చెప్పాలని, నిరుద్యోగుల పక్షాన పోరాడే బీఆర్ఎస్ అభ్యర్థికి మద్దతు ఇవ్వాలని బీఆర్ఎస్ అనంత‌గిరి మండలాధ్య‌క్షుడు నల్ల భూపాల్ రెడ్డి...

అనంతగిరి, అక్టోబర్ 27 : మోసపూరిత కాంగ్రెస్ ప్ర‌భుత్వానికి త్వరలో జరగనున్న వరంగల్- ఖమ్మం- నల్లగొండ గ్రాడ్యుయేట్ ఎమ్మెల్సీ ఎన్నికల్లో పట్టభ‌ద్రులు బుద్ధి చెప్పాలని, నిరుద్యోగుల పక్షాన పోరాడే బీఆర్ఎస్ అభ్యర్థికి మద్దతు ఇవ్వాలని బీఆర్ఎస్ అనంత‌గిరి మండలాధ్య‌క్షుడు నల్ల భూపాల్ రెడ్డి విజ్ఞప్తి చేశారు. మండల కేంద్రంతో పాటు మండలంలోని వాయిలసింగారం, అమీనాబాద్ గ్రామాల్లో పట్టభద్రులను కలసి ఓటు అభ్యర్థించారు. ఎమ్మెల్సీ ఎన్నికల్లో ఓటు హక్కు వినియోగించుకునేందుకు పట్టభద్రులు ఓటుకు దరఖాస్తు చేసుకోవాలన్నారు. నిరుద్యోగుల సమస్యలు పరిష్కారం అవ్వాలంటే నిరుద్యోగ గొంతుక వినిపించే బీఆర్ఎస్ అభ్యర్థిని శాసనమండలికి పంపించాలఅన్నారు. ఈ కార్యక్రమంలో ప్రధాన కార్యదర్శి గుగులోతు శ్రీనివాస్ నాయక్, నాయకులు పందిరి వీరయ్య, ఐతనబోయిన వెంకటేశ్వర్లు, సుధాకర్, పూర్ణచందర్ రావు, చార్లెస్, కొత్తపల్లి ఉపేందర్, కంటు శ్రీకాంత్, వెంకటేశ్వర్లు, గురవయ్య, దొంగరి నాగేశ్వరరావు, ఆయా గ్రామాల కార్యకర్తలు పాల్గొన్నారు.