పట్టభద్రుల ఎమ్మెల్సీగా రాకేశ్‌రెడ్డిని గెలిపించండి
నల్లగొండ-ఖమ్మం-వరంగల్‌ పట్టభద్రుల నియోజకవర్గ ఎమ్మెల్సీగా బీఆర్‌ఎస్‌ అభ్యర్థి ఏనుగుల రాకేశ్‌రెడ్డిని గెలిపించాలని నల్లగొండ మాజీ ఎమ్మెల్యే కంచర్ల భూపాల్‌ రెడ్డి కోరారు. నల్లగొండలోని కలెక్టరేట్‌లో ఆయన శుక్రవారం పలు శాఖల విభాగాల్లో ఉద్యోగులను కలిసి ఓటు అభ్యర్థించారు.
- మాజీ ఎమ్మెల్యే కంచర్ల భూపాల్‌రెడ్డి
నల్లగొండ, మే 24 : నల్లగొండ-ఖమ్మం-వరంగల్‌ పట్టభద్రుల నియోజకవర్గ ఎమ్మెల్సీగా బీఆర్‌ఎస్‌ అభ్యర్థి ఏనుగుల రాకేశ్‌రెడ్డిని గెలిపించాలని నల్లగొండ మాజీ ఎమ్మెల్యే కంచర్ల భూపాల్‌ రెడ్డి కోరారు. నల్లగొండలోని కలెక్టరేట్‌లో ఆయన శుక్రవారం పలు శాఖల విభాగాల్లో ఉద్యోగులను కలిసి ఓటు అభ్యర్థించారు. ఈ సందర్భంగా ఆయన మాట్లాడుతూ రాకేశ్‌రెడ్డి ఉన్నత విద్యావంతుడు, సమాజ సేవకుడని అన్నారు.
కాంగ్రెస్‌ ప్రభుత్వం విద్యార్థులు, నిరుద్యోగులకు ఇచ్చిన హామీలు నెరవేర్చాలంటే ప్రశ్నించే గొంతుక శాసన మండలిలో ఉంటేనే నెరవేరుతాయని తెలిపారు. ఈ కార్యక్రమంలో మున్సిపల్‌ ఫ్లోర్‌ లీడర్‌ అభిమన్యు శ్రీనివాస్‌, పట్టణ అధ్యక్షుడు బోనగిరి దేవేందర్‌, కంచనపల్లి రవీందర్‌ రావు, వట్టిపల్లి శ్రీనివాస్‌, పిన్నపురెడ్డి మధుసూదన్‌ రెడ్డి, సయ్యద్‌ జాఫర్‌, మెరగు గోపి, దొడ్డి రమేశ్‌, మహేందర్‌ రెడ్డి పాల్గొన్నారు.
Read Today's Latest Nalgonda News in Telugu and Telugu News
- Follow Us :
-
