Visit:
కొండమల్లేపల్లి, నవంబర్‌ 30 : పంచాయతీ ఎన్నికల్లో మండలంలోని ప్రతి గ్రామంలో బీఆర్‌ఎస్‌ జెండా ఎగుర వేయాలని బీఆర్‌ఎస్‌ జిల్లా అధ్యక్షుడు,మాజీ ఎమ్మెల్యే రమావత్‌ రవీంద్రకుమార్‌ అన్నారు. అదివారం మాజీ ఎంపీటీసీ చెనగోని శివగౌడ్‌తో పాటు మరికొందరు ఇతర పార్టీ కార్యకర్తలు బీఆర్‌ఎస్‌లో చేరారు. ఈ సందర్భంగా రవీంద్రకుమార్‌ మాట్లాడుతూ కాంగ్రెస్‌ పాలనలో అన్ని వర్గాల ప్రజలు గోస పడుతున్నారని అన్నారు. కాంగ్రెస్‌ నాయకులు ఎక్కడికి వెళ్లినా కల్యాణ లక్ష్మి, తులం బంగారం, వృద్ధులు, వితంతువులకు రూ.4 వేల పింఛన్‌, మహిళలకు రూ.2500 భరోసా ఏమైందంటూ ప్రశ్నిస్తున్నారన్నారు. రెండేళ్ల కాంగ్రెస్‌ పాలనతో ప్రజలు విసిగిపోయారని స్థానిక ఎన్నికల్లో ప్రజలు ఆ పార్టీకి బుద్ధి చెప్పాలన్నారు.
కేసీఆర్‌ పదేళ్ల పాలనలో గ్రామాల్లో జరిగిన అభివృద్ధిని, రెండేళ్ల కాంగ్రెస్‌ పాలనలో జరిగిన విధ్వంసాన్ని ప్రజలకు వివరించాలన్నారు.సర్పంచ్‌ ఎన్నికల్లో బీఆర్‌ఎస్‌ అభ్యర్ధుల గేలుపే లక్ష్యంగా పనిచేయాలని అన్నారు. మళ్లీ కేసీఆర్‌ అధికారంలోకి రావాలంటే ప్రతి కార్యకర్త కలిసికట్టుగా పనిచేయాలన్నారు. కార్యక్రమంలో బీఆర్‌ఎస్‌ రాష్ట్ర నాయకులు కడారి అంజయ్య యాదవ్‌, బీల్యా నాయక్‌, చింతపల్లి సుభాష్‌గౌడ్‌, బీఆర్‌ఎస్‌ పార్టీ మండల అధ్యక్షుడు రమావత్‌ దస్రూ నాయక్‌, కేసాని లింగారెడ్డి, రమావత్‌ రమేష్‌ నాయక్‌, పెద్దిశెట్టి సత్యం, రావుల వెంకటయ్య, దాచేపల్లి నరేందర్‌, శేఖర్‌ యాదవ్‌, జవహర్‌లాల్‌, కర్నెకంటి రజనీకాంత్‌, వరికుప్పల పాండు తదితరులు పాల్గొన్నారు.
