‘వినియోగదారుల హక్కులపై చైతన్యం కల్పించాలి’

వినియోగదారుల హక్కులు, సమస్యల పరిష్కారంపై ప్రజల్లో అవగాహన కల్పించేందుకు వినియోగదారుల సంఘాల ప్రతినిధులు కృషి చేయాలని న‌ల్ల‌గొండ‌ జిల్లా పౌర సరఫరాల అధికారి (డీసీఎస్‌ఓ) టి.వెంకటేష్ పిలుపునిచ్చారు. సోమవారం జిల్లా కలెక్టరేట్‌లోని డీసీఐసీ కార్యాలయంలో...

– డీసీఎస్‌ఓ వెంకటేష్

రామ‌గిరి, అక్టోబ‌ర్ 12 : వినియోగదారుల హక్కులు, సమస్యల పరిష్కారంపై ప్రజల్లో అవగాహన కల్పించేందుకు వినియోగదారుల సంఘాల ప్రతినిధులు కృషి చేయాలని న‌ల్ల‌గొండ‌ జిల్లా పౌర సరఫరాల అధికారి (డీసీఎస్‌ఓ) టి.వెంకటేష్ పిలుపునిచ్చారు. సోమవారం జిల్లా కలెక్టరేట్‌లోని డీసీఐసీ కార్యాలయంలో ఉమ్మడి నల్లగొండ జిల్లా వినియోగదారుల సంఘాల సమన్వయ కమిటీ సమావేశం జిల్లా అధ్యక్షుడు అన్నెబోయిన మట్టయ్య అధ్యక్షతన నిర్వహించారు. ఈ సందర్భంగా వెంకటేష్ మాట్లాడుతూ.. వినియోగదారుల సమస్యల పరిష్కారానికి తమ వంతు సహకారం అందిస్తామని తెలిపారు. తూనికలు, కొలతల శాఖ జిల్లా అధికారి శ్రీనివాస్ ప్రజల్లో అవగాహన కార్యక్రమాలు నిర్వహించాలని సూచించగా, జిల్లా డ్రగ్ ఇన్‌స్పెక్టర్ సంపత్ కుమార్ వినియోగదారుల హక్కుల కోసం కృషి చేస్తున్న సంఘాల ప్రతినిధులను అభినందించారు. క్యాట్కో రాష్ట్ర ప్రధాన కార్యదర్శి ఏలె వెంకటేశ్వర్లు వినియోగదారుల సొసైటీల సంక్షేమ నిధికి సంబంధించి నీతి రిజిస్ట్రేషన్‌పై అవగాహన కల్పించారు. అనంతరం జిల్లా మాజీ అధ్యక్షుడు స్వర్గీయ ఎ.హిమగిరి ప్రథమ వర్ధంతి సందర్భంగా ఆయన చిత్రపటానికి పూలమాలలు వేసి నివాళులర్పించారు. సమావేశంలో పలువురు వినియోగదారుల సంఘాల నాయకులు, ప్రతినిధులు పాల్గొన్నారు.