Kodada : నీట్ పీజీ ప్ర‌వేశ‌ పరీక్షకు ఏర్పాట్లు పూర్తి : అదనపు కలెక్టర్ రాంబాబు

నీట్ పీజీ ప్ర‌వేశ‌ పరీక్షకి ఏర్పాట్లు పూర్తి అయిన‌ట్లు సూర్యాపేట జిల్లా అదనపు కలెక్టర్ పి.రాంబాబు తెలిపారు. శుక్రవారం కోదాడ లోని సన ఇంజినీరింగ్ కళాశాల నందు ఏర్పాటు చేసిన‌ నీట్ పీజీ పరీక్ష ఏర్పాట్లను ఆయన పరిశీలించారు.

కోదాడ‌, ఆగ‌స్టు 01 : నీట్ పీజీ ప్ర‌వేశ‌ పరీక్షకి ఏర్పాట్లు పూర్తి అయిన‌ట్లు సూర్యాపేట జిల్లా అదనపు కలెక్టర్ పి.రాంబాబు తెలిపారు. శుక్రవారం కోదాడ లోని సన ఇంజినీరింగ్ కళాశాల నందు ఏర్పాటు చేసిన‌ నీట్ పీజీ పరీక్ష ఏర్పాట్లను ఆయన పరిశీలించారు. ఈ సందర్భంగా మాట్లాడుతూ.. 3వ తేదీ ఆదివారం ఉదయం 9:00 గంటల నుండి మధ్యాహ్నం 12:00 గంటల వరకు పరీక్ష నిర్వ‌హ‌ణ‌ జరుగుతుందని తెలిపారు. ఉదయం 7:00 గంటల నుండే పరీక్ష హాల్ లోకి అనుమతిస్తారని వెల్ల‌డించారు. సన ఇంజినీరింగ్ కళాశాల నందు 50 మంది, సూర్యాపేట ఎస్ వి ఇంజినీరింగ్ కళాశాల నందు 180 మంది అభ్యర్డులు పరీక్షకు హాజరు కానున్న‌ట్లు పేర్కొన్నారు. ఈ కార్యక్రమంలో ఆర్డీఓ సూర్యనారాయణ, తాసీల్దార్ వాజీద్ అలీ, కాలేజీ ప్రిన్సిపాల్, అధికారులు, సిబ్బంది పాల్గొన్నారు.