రొమ్ము క్యాన్సర్కు చికిత్స తీసుకున్న తరువాత కూడా, వ్యాధి మళ్లీ ఎందుకు తిరగబెడుతుందో తెలిసిపోయింది. కొన్ని క్యాన్సర్ కణాలు ‘స్లీపర్ మోడ్’లోకి వెళ్లిపోయి, కొన్నేండ్ల తరువాత మళ్లీ యాక్టివ్గా మారడమే ఇందుకు కారణమని కనుగొన్నారు లండన్ పరిశోధకులు. రొమ్ము క్యాన్సర్ చికిత్సలో ఉపయోగించే హార్మోన్ థెరపీ మందుల గురించి అధ్యయనం చేసినప్పుడు ఈ విషయం బయటపడింది. రొమ్ము క్యాన్సర్ చికిత్సలో హార్మోన్ థెరపీ చాలా సమర్థవంతమైంది. అయితే, క్యాన్సర్ కణాలను ఒకవైపు చంపుతూనే మరోవైపు కొన్ని కణాలను చైతన్య రహితంగా చేసి స్లీపర్ స్థితిలోకి చేరుస్తున్నాయి ఈ మందులు. ఈ కణాల నిద్రాణ స్థితి వెనుక ఉన్న రహస్యాన్ని ఛేదించగలిగితే క్యాన్సర్ మళ్లీ రాకుండా నివారించడం సాధ్యమవుతుందంటున్నారు లండన్లోని ఇంపీరియల్ కాలేజ్ క్యాన్సర్ విభాగానికి చెందిన డాక్టర్ ల్యూకా మాగ్నాని. నిద్రాణ స్థితిలోకి వెళ్లిన క్యాన్సర్ కణాలను శాశ్వతంగా అదే స్థితిలో ఉంచడం లేదా, వాటిని యాక్టివ్ చేసి చంపడం ద్వారా ఈ సమస్యకు పరిష్కారం దొరుకుతుందంటున్నారు. ఈ దిశగా పరిశోధనలు జరుగుతున్నాయి.