Medak | అప్పుడే పుట్టిన శిశువును వదిలివెళ్లిన గుర్తు తెలియని వ్యక్తులు

ఓ మగ శిశువును వదిలివెళ్లిన సంఘటన మెద‌క్ జిల్లా పాప‌న్న‌పేట‌ మండల పరిధిలోని పొడ్చన్ పల్లి తండా సమీపంలో శనివారం చోటు చేసుకుంది.

పాప‌న్న‌పేట‌ : ఓ మగ శిశువును వదిలివెళ్లిన సంఘటన మెద‌క్ జిల్లా పాప‌న్న‌పేట‌ మండల పరిధిలోని పొడ్చన్ పల్లి తండా సమీపంలో శనివారం చోటు చేసుకుంది. ఎస్ఐ శ్రీనివాస్ గౌడ్ తెలిపిన‌ వివరాలు ఇలా ఉన్నాయి. పోడ్చన్ పల్లి తాండా వద్ద ఇళ్ల వెనక గుర్తు తెలియని వ్యక్తులు అప్పుడే పుట్టిన మగ శిశువును శనివారం ఉదయం వదిలి వెళ్లగా తండా వాసులు గమనించి పోలీసులకు, ఐసీడీఎస్, సీడబ్ల్యూసీ అధికారులకు సమాచార‌మిచ్చార‌న్నారు.

స‌మాచారం అందిన వెంట‌నే పోలీసులు, ఐసీడీఎస్, సీడబ్ల్యూసీ అధికారులు, సిబ్బంది అక్కడికి చేరుకుని శివువును అక్కడి నుంచి మెదక్ లోని మాతా శిశు ఆరోగ్య కేంద్రానికి తరలించారు. అక్కడి నుంచి నిలోఫర్ హాస్పిట‌ల్‌కు తరలించారు. ప్రస్తుతం శిశువు ఆరోగ్యం నిలకడగా ఉంది. ఈ మేరకు కేసు నమోదు చేసుకొని ద‌ర్యాప్తు చేస్తున్న‌ట్లు ఎస్ఐ తెలిపారు.