లక్ష్మీనృసింహుడు.. భక్త వల్లభుడు
మండలంలోని సికింద్లాపూర్ గ్రామశివారులో దట్టమైన అడవులు, కొండల మధ్య వెలిసి న లక్ష్మీనృసింహస్వామి భక్తులు కోరిన కోరికలను తీర్చుతూ కొంగుబంగారంగా మారారు.
- సికింద్లాపూర్లో కొలువుదీరిన నర్సింహస్వామి
- నేటినుంచి మూడు నెలలపాటు ఉత్సవాలు
- పట్టువస్ర్తాలు సమర్పించనున్న ఎమ్మెల్యే మదన్రెడ్డి
శివ్వంపేట, జనవరి 21 : మండలంలోని సికింద్లాపూర్ గ్రామశివారులో దట్టమైన అడవులు, కొండల మధ్య వెలిసి న లక్ష్మీనృసింహస్వామి భక్తులు కోరిన కోరికలను తీర్చుతూ కొంగుబంగారంగా మారారు. సుమారు 700 ఏండ్ల క్రితం సికింద్లాపూర్లోని దట్టమైన అడవిలో సప్తరుషులు తపస్సు చేస్తుండగా కొండపైన స్వామివారి గాండ్రింపులు వినిపించాయి. రుషులు వెళ్లి చూడగా సర్పం (వాసూకి) నీడలో ఉగ్రరూపంలో నర్సింహస్వామి దర్శనమిచ్చాడు. గుర్తించి రుషులు స్వామిని శాంతింపచేశారు. భక్తుల కోరిక మేరకు స్వామి శిలగా మారి రెండు బండరాళ్ల మధ్యన పడుకొని నేటికీ లక్ష్మీనృసింహస్వామి భక్తులకు దర్శనమిస్తున్నాడు.
పుష్కరిణిలో స్నానం చేస్తే సర్వరోగాలు మాయం
ఆలయం సమీపంలోని కోనేరు పవిత్రమైనది. ఇక్కడ స్నానం చేస్తే అన్ని రకాల చర్మవ్యాధులను నయమవుతాయ ని భక్తుల నమ్మకం. కోనేరు పైన ఉన్న మర్పటి చెట్టు ఔషధగుణం కలిగిఉందని, దాని ఆకులు కోనేరులో పడి చర్మవ్యాధులు నయం చేస్తుందని భక్తుల నమ్మకం. పూర్వం కోనేరు వందల ఎకరాలకు సాగునీరు అందించేదని పెద్దలు చెబుతా రు. 1995లో కొండ సమీపంలో ఆలయం నిర్మించి లక్ష్మీనర్సింహస్వామి విగ్రహాన్ని ప్రతిష్ఠించి పూజలు నిర్వహిస్తు న్నారు. తెలుగు రాష్ట్రాల్లో ఎక్కడా లేని విధంగా పాలరాతితో చేసిన లక్ష్మీనర్సింహస్వామి విగ్రహాన్ని ప్రతిష్ఠించారు.
మూడు నెలలపాటు ఉత్సవాలు
ప్రతి ఏటా ధనుర్మాసం నుంచి ఉగాది వరకు మూడు నెలలపాటు ప్రతి ఆదివారం ఇక్కడ ఉత్సవాలు జరుగుతాయి. గుజరాత్, మహారాష్ట్ర, ఆంధ్రప్రదేశ్ నుంచి వేలాది మంది స్వామిని దర్శించుకొని మొక్కులు తీర్చుకుంటారు. మొక్కు లు తీరితే వెండితో చేసిన ఆభరణాలను హుండీలో వేస్తారు. సికింద్రాబాద్ నుంచి రైలు, బస్సు ప్రయాణం ద్వారా మనోహరాబాద్ చేరుకొని అక్కడి నుంచి 7 కిలోమీటర్ల దూరం లో ఉన్న లక్ష్మీనృసింహస్వామిని దర్శించుకోవచ్చు.
భక్తుల సౌకర్యార్ధం ఆలయంలో 6 కాటేజీలు నిర్మించామని ఆలయ ప్రధాన పూజారి ధనుంజయశర్మ తెలిపారు. ఆలయాన్ని ఈవో శశిధర్గుప్తాతో అభివృద్ధి చేస్తున్నారు.
లక్ష్మీనృసింహస్వామి ఉత్సవాల సందర్భంగా ఆదివారం ఎమ్మెల్యే మదన్రెడ్డి, మహిళా కమిషన్ చైర్పర్సన్ సునీతారెడ్డి అధికారికంగా స్వామివారికి పట్టువస్ర్తాలు సమర్పిస్తారు.
Read Today's Latest Medak News in Telugu and Telugu News
RELATED ARTICLES
తాజా వార్తలు
Revanth Reddy | ప్రజల సొమ్ముతో రేవంత్ ఫుట్బాల్..తనను కోసినా రూపాయిలేదన్న సీఎం వ్యాఖ్యలపై సెటైర్లు
Revanth Reddy | సీఎం సభ అట్టర్ఫ్లాప్.. రేవంత్రెడ్డి ప్రసంగిస్తుండగానే సభ నుంచి వెళ్లిపోయిన జనం
Revanth vs Raja Gopal Reddy | రేవంత్ వర్సెస్ రాజగోపాల్.. రెండు రోజులుగా సీఎంను టార్గెట్ చేసిన కాంగ్రెస్ ఎమ్మెల్యే
Revanth Reddy | మొగోళ్లు బెల్ట్షాప్కు పోతే ఆడోళ్లు సభకు వచ్చిండ్రు.. ఇంటి పెద్దలను అవమానించేలా సీఎం రేవంత్ వ్యాఖ్యలు
5 లక్షల కోట్ల అవినీతి
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

