Road accident | బీద‌ర్‌లో రోడ్డు ప్ర‌మాదం.. ఇద్ద‌రు సంగారెడ్డి వాసులు దుర్మ‌ర‌ణం

Road accident | పొరుగు రాష్ట్రం క‌ర్ణాటక‌ (Karnataka) లోని బీద‌ర్ జిల్లా (Bidar district) లో ఘోర రోడ్డు ప్ర‌మాదం (Road accident) జ‌రిగింది. వేగంగా వెళ్తున్న కారు బ‌స్సును ఢీకొట్ట‌డంతో కారులోని ఇద్ద‌రు అక్క‌డిక‌క్క‌డే ప్రాణాలు కోల్పోయారు. మ‌రో న‌లుగురికి గాయాల‌య్యాయి.

Road accident : పొరుగు రాష్ట్రం క‌ర్ణాటక‌ (Karnataka) లోని బీద‌ర్ జిల్లా (Bidar district) లో ఘోర రోడ్డు ప్ర‌మాదం (Road accident) జ‌రిగింది. వేగంగా వెళ్తున్న కారు బ‌స్సును ఢీకొట్ట‌డంతో కారులోని ఇద్ద‌రు అక్క‌డిక‌క్క‌డే ప్రాణాలు కోల్పోయారు. మ‌రో న‌లుగురికి గాయాల‌య్యాయి. గాయ‌ప‌డిన వారిలో ఒక‌రి ప‌రిస్థితి విష‌మంగా ఉంది. బీదర్‌ జిల్లా బసవ కల్యాణి (Basava Kalyani) వద్ద ఇవాళ ఉద‌యం ఈ ప్రమాదం జరిగింది.

ప్ర‌మాద స‌మాచారం అందిన వెంట‌నే పోలీసులు, స్థానిక అధికారులు ఘ‌ట‌నా ప్రాంతానికి చేరుకున్నారు. గాయ‌ప‌డిన వారిని చికిత్స నిమిత్తం ఆస్ప‌త్రికి త‌ర‌లించారు. మృత‌దేహాల‌ను పోస్టుమార్టానికి పంపించారు. మృతులు ఇద్ద‌రు తెలంగాణ రాష్ట్రంలోని సంగారెడ్డి జిల్లా మానూరుకు చెందిన వారిగా పోలీసులు గుర్తించారు. గాయ‌ప‌డిన వారు కూడా సంగారెడ్డి జిల్లాకే చెందిన వార‌ని స‌మాచారం.