SpaceX: అతిపెద్ద రాకెట్‌ను ప్ర‌యోగించిన స్పేస్ఎక్స్.. పేలిన ఫ‌స్ట్ స్టేజ్ బూస్టర్
SpaceX : ప్ర‌పంచంలోనే అతిపెద్ద , అత్యంత శ‌క్తివంత‌మైన రాకెట్‌ను స్పేస్ఎక్స్ ప్ర‌యోగించింది. అయితే ఆ రాకెట్‌కు చెందిన రెండు బూస్ట‌ర్ల‌ను మ‌ళ్లీ రిక‌వ‌రీ చేసే రీతిలో ఈ ప‌రీక్ష‌ను చేప‌ట్టారు. కానీ ఫ‌స్ట్ స్టేజ్ బూస్టర్ పేలింది. స్టార్‌షిప్ మాత్రం క‌క్ష్య‌లోకి శాటిలైట్ల‌ను ప్ర‌వేశ‌పెట్టింది.
టెక్సాస్: ఎల‌న్ మ‌స్క్‌కు చెందిన స్పేస్ఎక్స్(SpaceX) సంస్థ.. ప్ర‌పంచంలోనే అతిపెద్ద , అత్యంత శ‌క్తివంత‌మైన రాకెట్‌ను ప్ర‌యోగించింది. అయితే ఆ రాకెట్‌కు చెందిన రెండు బూస్ట‌ర్ల‌ను మ‌ళ్లీ రిక‌వ‌రీ చేసే రీతిలో ఈ ప‌రీక్ష‌ను చేప‌ట్టారు. 124 మీట‌ర్ల ఎత్తున్న స్టార్‌షిప్ రాకెట్.. ద‌క్షిణ టెక్సాస్‌లోని స్టార్‌బేస్ కేంద్రం నుంచి నింగికి ఎగిరింది. 26వ జ‌న‌రేష‌న్‌కు చెందిన స్టార్‌లింక్ శాటిలైట్ల‌ను క‌క్ష్య‌లోకి ఆ రాకెట్ తీసుకెళ్లింది. భారీ రాకెట్‌కు చెందిన రెండు ద‌శ‌ల్లోనూ బూస్ట‌ర్లు మ‌ళ్లీ లాంచ్ సైట్‌కు తిరిగివ‌చ్చే రీతిలో మిష‌న్‌ను డిజైన్ చేశారు. లాంచ్ ట‌వ‌ర్‌కు చెందిన మెకానిక‌ల్ ఆర్మ్స్ ఆ బూస్ట‌ర్ల‌ను ప‌ట్టుకోనున్నాయి. మ‌ళ్లీ వాడుకోవ‌చ్చు అన్న ఉద్దేశంతో బూస్ట‌ర్ల‌ను ప‌రీక్షించారు.
Liftoff of Starship! https://t.co/lc7UtE6H7z
— SpaceX (@SpaceX) November 13, 2026
అయితే ప్లాన్ చేసిన‌ట్లు సూప‌ర్ హెవీ బూస్టర్ స్వంత లాంచ్ సైట్‌కు తిరిగిరాలేదు. గ‌ల్ఫ్ ఆఫ్ మెక్సికోలో తొలి బూస్టర్ పేలింది. బూస్ట‌ర్ల సేక‌ర‌ణ ఎందుకు విఫ‌ల‌మైంద‌న్న దానిపై స్పేస్ఎక్స్ ఇంకా ప్ర‌క‌ట‌న చేయ‌లేదు. అయితే స్టార్‌షిప్ రాకెట్‌కు చెందిన అప్ప‌ర్ స్టేజ్.. క‌క్ష్య‌లోకి దూసుకెళ్లింది. విజ‌య‌వంతంగా శాటిలైట్ల పేలోడ్‌ను స్టార్‌షిప్ క‌క్ష్య‌లో ప్ర‌వేశిపెట్టింది. భూమి చుట్టూ ఆ పేలోడ్ 15 సార్లు చ‌క్క‌ర్లు కొట్ట‌నున్న‌ది. ఆ త‌ర్వా టెక్సాస్ చేరుకుంటుంది.
ఒక‌వేళ అనుకున్న ప్లాన్ సెక్సెస్ అయితే, క‌క్ష్య‌లోకి వెళ్లి వ‌చ్చిన స్టార్‌షిప్‌ను తొలిసారి రిక‌వ‌రీ చేసిన‌ట్లు అవుతంది. సూప‌ర్ హెవీ బూస్ట‌ర్‌ను ఇప్ప‌టి వ‌ర‌కు మూడు సార్లు స్పేస్ఎక్స్ ప‌ట్టుకున్న‌ది. కానీ అప్ప‌ర్ స్టేజ్‌కు చెందిన బూస్ట‌ర్‌ను ప‌ట్టుకోవ‌డం పెద్ద స‌వాల్‌.
Starship Flight 15 Super Heavy Booster soft water landing.
Landing looked so smooth. It hovered for a good amount of time. https://t.co/V9NW4O9Dv9
— Nic Cruz Patane (@niccruzpatane) November 14, 2026
Read Today's Latest International News in Telugu and Telugu News
- Follow Us :
-
