Sunitha Lakshma Reddy | తెలంగాణ సంస్కృతికి ప్రతీక బతుకమ్మ పండుగ: మాజీ మంత్రి సునీత లక్ష్మారెడ్డి

Sunitha Lakshma Reddy | తెలంగాణ సంస్కృతి , సంప్రదాయాలకు బతుకమ్మ పండుగ ప్రతీకగా నిలుస్తుందని మాజీ మంత్రి, నర్సాపూర్ ఎమ్మెల్యే వాకిటి సునీత లక్ష్మారెడ్డి అన్నారు.

శివ్వంపేట : తెలంగాణ సంస్కృతి ( Sunitha Lakshma Reddy) , సంప్రదాయాలకు బతుకమ్మ పండుగ ( Bathukamma ) ప్రతీకగా నిలుస్తుందని మాజీ మంత్రి, నర్సాపూర్ ఎమ్మెల్యే వాకిటి సునీత లక్ష్మారెడ్డి ( Sunitha Lakshma Reddy) అన్నారు. ఆదివారం తన నివాసంలో సద్దుల బతుకమ్మను తీరొక్క పూలతో కుటుంబ సభ్యులతో కలసి అందంగా అలంకరించారు. వివిధ రకాల రంగురంగుల పూలతో బతుకమ్మను పేర్చి పండుగ శోభను చాటారు.

ఈ సందర్భంగా ఆమె మాట్లాడుతూ బతుకమ్మ పండుగ తెలంగాణ ఆడపడుచుల ఆత్మగౌరవానికి,సంస్కృతి ,సంప్రదాయాలకు ప్రతీక అని పేర్కొన్నారు. ప్రకృతిని ఆరాధిస్తూ పూలతో జరుపుకునే పండుగ తెలంగాణలో ప్రత్యేకతను చాటుతుందని అన్నారు. ప్రతి ఒక్కరూ సాంప్రదాయాలను కాపాడుకుంటూ బతుకమ్మ పండుగను ఆనందోత్సాహాలతో జరుపుకోవాలని ఆకాంక్షించారు.

ఈ సందర్భంగా ప్రజలందరికీ బతుకమ్మ పండుగ శుభాకాంక్షలు తెలిపారు. ఆమె వెంట జిల్లా గ్రంథాలయ మాజీ చైర్మన్ చంద్రాగౌడ్, బీఆర్ఎస్ నాయకులు హనుమంత్ రెడ్డి, బిక్షపతి రెడ్డి, కుంట లక్ష్మణ్ తదితరులు ఉన్నారు.