Alumni Reunion | ఘనంగా పూర్వవిద్యార్థుల ఆత్మీయ సమ్మేళనం.. నాటి జ్ఞాపకాలను పంచుకున్న స్నేహితులు

Alumni Reunion | జోగులాంబ గద్వాల జిల్లా ధరూర్‌ మండల కేంద్రంలోని జిల్లా పరిషత్ ఉన్నత పాఠశాలలో సోమవారం పూర్వ విద్యార్థుల సమ్మేళనం ఉల్లాసంగా,ఉత్సాహంగా కొనసాగింది.

ధరూర్ ( జోగులాంబ గద్వాల ) : జోగులాంబ గద్వాల జిల్లా ధరూర్‌ మండల కేంద్రంలోని జిల్లా పరిషత్ ఉన్నత పాఠశాలలో సోమవారం పూర్వ విద్యార్థుల సమ్మేళనం ( Alumni Reunion ) ఉల్లాసంగా,ఉత్సాహంగా కొనసాగింది. 1993- 94 పదో తరగతికి చెందిన విద్యార్థులంతా కలసి పాత జ్ఞాపకాలను నెమరువేసుకున్నారు.

32 ఏళ్ల అనంతరం తిరిగి అదే పాఠశాలలో సమావేశాన్ని ఏర్పాటుచేసుకుని తమ వ్యక్తిగత, కుటుంబ,ఆరోగ్య వివరాలను ఒకరినొకరు సంతోషంగా అడిగి తెలుసుకున్నారు. ఈ సందర్భంగా చదువు చెప్పిన గురువులను సన్మానించుకుని గురుభక్తిని చాటుకున్నారు.

ఈ కార్యక్రమంలో పూర్వ ప్రధానోపాధ్యాయులు ఆంజనేయులు , ఉపాధ్యాయులు విజయ్ బాబు , వెంకటరాములు ,  లక్ష్మిరెడ్డి , గురురాజా రావు , శ్రీనివాస్‌, ప్రస్తుత ప్రధానోపాధ్యాయులు నరేష్, 6వ తరగతినుంచి(1989-90) నుంచి 10వ తరగతి(1993-84)వరకు ఈ పాఠశాలలో చదువుకున్న  పూర్వ విద్యార్థిని, విద్యార్థులు పాల్గొని తమ గత జ్జాపకాలను నెమరు వేసుకున్నారు. ఎంతో ఆప్యాయంగా ఒకరినొకరు పలకరించుకున్నారు.