Jurala Project | జూరాల ప్రాజెక్టు ఎస్‌ఈ కార్యాలయంలో పాత రికార్డులు దగ్ధం!

Jurala Project | జోగులాంబ గద్వాల జిల్లాలోని జూరాల ప్రాజెక్టు ఎస్ఈ కార్యాలయంలో పాత రికార్డులు దగ్ధమైన ఘటన కలకలం రేపుతోంది. ప్రాజెక్టుకు సంబంధించిన కీలక పత్రాలను ఓ ఉద్యోగి కాల్చివేసినట్లు ఆరోపణలు రావడం చర్చనీయాంశంగా మారింది.

Jurala Project | జోగులాంబ గద్వాల జిల్లాలోని జూరాల ప్రాజెక్టు సూపరింటెండెంట్‌ ఇంజినీర్‌ (ఎస్ఈ) కార్యాలయంలో పాత రికార్డులు దగ్ధమైన ఘటన కలకలం రేపుతోంది. ప్రాజెక్టుకు సంబంధించిన కీలక పత్రాలను ఓ ఉద్యోగి కాల్చివేసినట్లు ఆరోపణలు రావడం చర్చనీయాంశంగా మారింది. ఈ ఘటన ఆలస్యంగా వెలుగులోకి వచ్చింది.

జూరాల ప్రాజెక్టు నిర్మాణం నాటి నుంచి భద్రపరిచిన పాత రికార్డుల్లోని కొన్ని పత్రాలను గురువారం ఓ ఉద్యోగి దగ్ధం చేసినట్లు సమాచారం. ప్రభుత్వ కార్యాలయంలో రికార్డులు కాలిపోయిన ఘటనపై సంబంధిత వర్గాల్లో చర్చ జరుగుతోంది. ఈ వ్యవహారంపై పోలీస్‌స్టేషన్‌లో ఫిర్యాదు చేసినట్లు తెలిసింది.

ప్రాజెక్టుకు సంబంధించిన పాత రికార్డులు దగ్ధం కావడానికి గల కారణాలు ఏమిటి? ఏయే పత్రాలు కాలిపోయాయి? వాటి ప్రాధాన్యం ఎంత? అనే అంశాలపై స్పష్టత రావాల్సి ఉంది. ఈ ఘటనపై ఉన్నతాధికారులు సమగ్ర విచారణ జరిపి, రికార్డుల దగ్ధానికి బాధ్యులెవరో గుర్తించి చర్యలు తీసుకుంటారా? అన్నది ఆసక్తికరంగా మారింది.