Eligible Graduate | అర్హులైన ప్రతి పట్టభద్రుడిని ఓటరుగా నమోదు చేయించాలి

Eligible Graduate | అర్హులైన ప్రతి పట్టభద్రుడిని ఓటరుగా నమోదు చేయించాలని ఎమ్మెల్సీ ఎన్నికల ఇన్‌చార్జి , స్పోర్ట్స్ అథారిటీ మాజీ చైర్మన్ డా. అంజనేయ గౌడ్ కోరారు.

జోగులాంబ గద్వాల : అర్హులైన ప్రతి పట్టభద్రుడిని ( Eligible Graduate ) ఓటరుగా నమోదు చేయించాలని ఎమ్మెల్సీ ఎన్నికల ఇన్‌చార్జి , స్పోర్ట్స్ అథారిటీ మాజీ చైర్మన్ డా. అంజనేయ గౌడ్ ( Dr. Anjaneya Goud ) కోరారు. గద్వాల నియోజకవర్గ బీఆర్ఎస్ ఇన్‌చార్జి బాసు శ్యామల హనుమంతు నాయుడు ఆధ్వర్యంలో శుక్రవారం గట్టు మండల కేంద్రంలో మహబూబ్ నగర్- హైదరాబాద్ – రంగారెడ్డి పట్టభద్రుల ఎమ్మెల్సీ ఓటరు నమోదు ప్రక్రియపై పార్టీ శ్రేణులతో సమావేశాన్ని నిర్వహించారు.

ఈ సందర్భంగా ఆయన మాట్లాడుతూ గ్రాడ్యుయేట్ ఎమ్మెల్సీ ఎన్నికలు బీఆర్ఎస్ పార్టీకి ప్రతిష్టాత్మకమైనవని అన్నారు. అర్హులైన ప్రతి గ్రాడ్యుయేట్‌ను ఓటరుగా నమోదు చేసేలా పార్టీ నాయకులు, కార్యకర్తలు సమన్వయంతో పనిచేయాలని సూచించారు. ఈ ప్రక్రియలో పార్టీ శ్రేణులు నిర్లక్ష్యం వహించొద్దని సూచించారు. ఈ కార్యక్రమంలో సర్పంచులు, ఉప సర్పంచులు,పార్టీ సీనియర్ నాయకులు, కార్యకర్తలు, యూత్ సభ్యులు ,పట్టభద్రులు తదితరులు పాల్గొన్నారు.